Rohit Sharmaଙ୍କ ସ୍ବର ବ୍ୟବହାର କଲା ପାକିସ୍ତାନ ଟି-୨୦ ଫ୍ରାଞ୍ଚାଇଜ, ରାଗିଗଲେ ଭାରତୀୟ ପ୍ରଶଂସକ, ଦେଖନ୍ତୁ ଭିଡିଓ

ନୂଆଦିଲ୍ଲୀ,୨୧।୩: ପୂର୍ବତନ ଅଷ୍ଟ୍ରେଲିୟ କ୍ରିକେଟର ବ୍ରାଡ ହଗ ନିକଟରେ ପାକିସ୍ତାନୀ କ୍ରିକେଟର ମହମ୍ମଦ ରିଜୱାନଙ୍କ ଇଂରାଜୀର ମଜା ଉଡାଇବା ପରେ ସୋସିଆଲ ମିଡିଆରେ ଟ୍ରୋଲ ହୋଇଥିଲେ। ଏବେ ଆଉ ଏକ ଭିଡିଓ ଇଣ୍ଟରନେଟ ୟୁଜର୍ସଙ୍କୁ କ୍ରୋଧିତ କରିଛି।
ପାକିସ୍ତାନ ସୁପର ଲିଗ ଫ୍ରାଞ୍ଚାଇଜ ମୁଲତାନ ସୁଲତାନ୍ସ ଏକ ଭିଡିଓ ଶେୟାର କରିଛି ଯେଉଁଥିରେ ପିଏସଏଲ ମାସ୍କଟ ପିଏସଏଲ ଟ୍ରଫି ସହିତ ଠିଆ ହୋଇଛି। ତା’ପରେ ପଛରୁ ରୋହିତ ଶର୍ମାଙ୍କ ସ୍ବର ଆସୁଛି, ଯେଉଁଥିରେ ସେ କହୁଥିବାର ଦେଖାଯାଉଛି ଯେ ଟ୍ରଫି ଜିତିବା ସହଜ ନୁହେଁ।
ଆପଣଙ୍କୁ ମନେ ପକାଇ ଦେଉଛୁ ଯେ ଭାରତୀୟ ଅଧିନାୟକ ରୋହିତ ଶର୍ମା ICC ଚାମ୍ପିଅନ୍ସ ଟ୍ରଫି ଜିତିବା ପରେ ସାମ୍ବାଦିକ ସମ୍ମିଳନୀରେ ଏହି ବୟାନ ଦେଇଥିଲେ। ତଥାପି, ମୁଲତାନ ସୁଲତାନ୍ସର ଭିଡିଓ ଭାରତୀୟ ପ୍ରଶଂସକମାନଙ୍କୁ କ୍ରୋଧିତ କରିଛି ଏବଂ ସୋସିଆଲ ମିଡିଆରେ ଏହାକୁ କଡ଼ା ସମାଲୋଚନା କରାଯାଉଛି।

ସୂଚନାଯୋଗ୍ୟ, ପାକିସ୍ତାନ ସୁପର ଲିଗର ଦଶମ ସିଜିନ ୧୧ ଏପ୍ରିଲରେ ଆରମ୍ଭ ହେବ। ରାୱଲପିଣ୍ଡି କ୍ରିକେଟ ଷ୍ଟାଡିୟମରେ ଡିଫେଣ୍ଡିଂ ଚାମ୍ପିୟନ ଇସଲାମାବାଦ ୟୁନାଇଟେଡ ଏବଂ ଲାହୋର କଲନ୍ଦର୍ସ ମଧ୍ୟରେ ଉଦଘାଟନୀ ମ୍ୟାଚ ଖେଳାଯିବ। ଏହି ଟୁର୍ଣ୍ଣାମେଣ୍ଟରେ ଛଅଟି ଦଳ ଅଂଶଗ୍ରହଣ କରିବେ। ପିଏସଏଲ ୧୦ରେ ୧୧ ଏପ୍ରିଲରୁ ୧୮ ମଇ ମଧ୍ୟରେ ୩୪ଟି ମ୍ୟାଚ ଖେଳାଯିବ। ଲାହୋରର ଗଦ୍ଦାଫି ଷ୍ଟାଡିୟମରେ ୧୩ଟି ମ୍ୟାଚ ଆୟୋଜନ କରାଯାଇଛି। ଯେଉଁଥିରେ ଏଲିମିନେଟର ଏବଂ ଫାଇନାଲ ଅନ୍ତର୍ଭୁକ୍ତ।