ଶ୍ରୀନଗର,୨୭।୧୦: ଆଠ ଦିନ ମଧ୍ୟରେ ପୁଣିଥରେ ଅନ୍ତର୍ଜାତୀୟ ସୀମାରେ ଅସ୍ତ୍ରବିରତି ଉଲ୍ଲଂଘନ କରିଛି ପାକିସ୍ତାନ। ଆର୍ନିଆ ସେକ୍ଟରର ସମସ୍ତ ୮ଟି ପୋଷ୍ଟ ଉପରେ ପ୍ରବଳ ଗୁଳି ଚଳାଇଥିଲା। ଏଥିରେ ଦୁଇ ବିଏସଏଫ ସୈନିକ ଏବଂ ୪ ଜଣ ସାଧାରଣ ନାଗରିକ ଆହତ ହୋଇଛନ୍ତି। ସମସ୍ତଙ୍କୁ ଜମ୍ମୁ ମେଡିକାଲ କଲେଜରେ ଭର୍ତ୍ତି କରାଯାଇଛି।
ପାକିସ୍ତାନ ମଧ୍ୟ ଆବାସିକ ଅଞ୍ଚଳରେ ଗୁଳି ଚଳାଇଥିଲା। ଭାରତ ପ୍ରତିଶୋଧ ପରାୟଣ ଅବସ୍ଥାରେ ପାକିସ୍ତାନର ଅନେକ ପୋଷ୍ଟ ନଷ୍ଟ କରିଥିଲା ଏବଂ ପାଞ୍ଚରୁ ୭ ଜଣ ରେଞ୍ଜର ମଧ୍ୟ ନିହତ ହୋଇଥିଲେ। ପ୍ରବଳ ଗୁଳି ବିନିମୟ ହେତୁ ବିଏସଏଫ ହାଇ ଆଲର୍ଟ ଜାରି କରିଛି। ଲୋକଙ୍କୁ ନିଜ ଘରେ ରହିବାକୁ ଏବଂ ବିଦ୍ୟୁତ ବନ୍ଦ ରଖିବାକୁ ପୋଲିସ କହିଛି। ଅକ୍ଟୋବର ୧୮ରେ ଗୁଳି ବିନିମୟରେ ଦୁଇ ସୈନିକ ମଧ୍ୟ ଆହତ ହୋଇଥିଲେ।