ଇସଲାମାବାଦ୍,୨୮।୭: ପାକିସ୍ତାନରେ ହିନ୍ଦୁମାନଙ୍କ ଉପରେ ହୋଇଥିବା ଆକ୍ରମଣକୁ ନିନ୍ଦା କରିଛନ୍ତି ଜଣେ ହିନ୍ଦୁ ଏମ୍ପି। ଅଭିଯୁକ୍ତଙ୍କ ବିରୋଧରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଏବଂ ହିନ୍ଦୁ ସମ୍ପ୍ରଦାୟର ସୁରକ୍ଷା ପାଇଁ ସେ ପାକିସ୍ତାନ ସରକାରଙ୍କୁ ଅନୁରୋଧ କରିଥିଲେ।
ଏମ୍ପି କେସୁ ମଲ ଖିଲ ଦାସ ଟୁଇଟ କରି କହିଛନ୍ତି ଯେ, ଆମେ ହିନ୍ଦୁମାନେ ପାକିସ୍ତାନ ପାଇଁ ମଧ୍ୟ ଜୀବନ ଦେଇପାରିବୁ।ଏହା ଆମର ଦେଶ। ପାକିସ୍ତାନ ଆମର। ଆମେ ପାକିସ୍ତାନର ନାଗରିକ। ଆମକୁ ସୁରକ୍ଷା ଦେବା ଦେଶର କାମ। ତେଣୁ ଆମକୁ ରକ୍ଷା କରନ୍ତୁ।
ନିକଟରେ ସିନ୍ଧ ପ୍ରଦେଶର କାଶମୋରର ଘୌସପୁର ଅଞ୍ଚଳରେ ଏକ ହିନ୍ଦୁ ମନ୍ଦିର ଭଙ୍ଗାରୁଜା କରାଯାଇଥିଲା। ଏହାର କିଛି ଦିନ ପରେ କେସୁ ମଲ ଖିଲ ତାଙ୍କ ପ୍ରତିକ୍ରିୟା ଦେଇଥିଲେ। ହିନ୍ଦୁ ସମ୍ପ୍ରଦାୟର ସୁରକ୍ଷା ପାଇଁ ସେ ସଂସଦରେ ସରକାରଙ୍କୁ ଅନୁରୋଧ କରିଥିଲେ। ସଂସଦର ବାଚସ୍ପତି ରାଜା ପରଭେଜ ଆଶରଫ ହିନ୍ଦୁ ସମ୍ପ୍ରଦାୟର ସମ୍ପୂର୍ଣ୍ଣ ସମର୍ଥନ ନିଶ୍ଚିତ କରିଛନ୍ତି। ଆଶ୍ରାଫ କହିଛନ୍ତି ଯେ ତାଙ୍କୁ ଭୟ କରିବାର ଆବଶ୍ୟକତା ନାହିଁ। ହିନ୍ଦୁମାନଙ୍କୁ ସୁରକ୍ଷା ଦେବା ଏବଂ ସେମାନଙ୍କର ଅଧିକାରର ସୁରକ୍ଷା କରିବା ଦେଶର ଦାୟିତ୍ୱ ବୋଲି ସେ କହିଛନ୍ତି।
