ଲାହୋର,୮।୩: ଲାହୋରରେ ହେବାକୁ ଥିବା ରାଲି ପାଇଁ ଅନୁମତି ନ ପାଇ ପାକିସ୍ତାନର ମୁଖ୍ୟ ତେହେରିକ-ଇ-ଇନସାଫ ଏବଂ ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନ ପ୍ରଧାନମନ୍ତ୍ରୀ ଶେହଓ୍ବାଜ୍ ଶରିଫ ସରକାରଙ୍କୁ କଡ଼ା ସମାଲୋଚନା କରିଛନ୍ତି।
ଇମ୍ରାନ ଖାନ କହିଛନ୍ତି, ଦେଶର ଅବସ୍ଥା ଅତ୍ୟନ୍ତ ଖରାପ ହୋଇଛି। ମୁଁ ମୋର ହତ୍ୟାକୁ ଭୟ କରୁଛି। ଆମ ସାମ୍ନାରେ ଆମର ଏକ ବଡ ଆହ୍ବାନ ରହିଛି। ଦେଶରେ ଆଇନ ଶୃଙ୍ଖଳା ଭୁଶୁଡି ପଡିଛି। ପାକିସ୍ତାନର ଲୋକମାନେ ଶାସକ ଦଳକୁ କ୍ଷମା କରିବେ ନାହିଁ।
ତାଙ୍କ ସମର୍ଥକଙ୍କ ଗିରଫଦାରୀ ଉପରେ ଇମ୍ରାନ କହିଛନ୍ତି, ଦେଶରେ ସ୍ବାଧୀନତା ଉପରେ ଏହା ହେଉଛି ସବୁଠାରୁ ବଡ ଆକ୍ରମଣ। ଏହି ଲୋକମାନେ ସାମରିକ ଆଇନକୁ ଅତିକ୍ରମ କରିସାରିଛନ୍ତି, ନିଜ ଲୋକଙ୍କୁ ଅତ୍ୟାଚାର କରାଯାଉଛି। ସ୍ବାଧୀନତାକୁ କ୍ରମାଗତ ଭାବେ ଛଡ଼ାଯାଉଛି।
ଗୋଟିଏ ପଟେ ଇମ୍ରାନଙ୍କ ଭାଷଣ ଚାଲିଥିବା ବେଳେ ଅନ୍ୟ ପଟେ ପଞ୍ଜାବ ଗୃହ ବିଭାଗ ବୁଧବାର ଲାହୋରରେ ସାତ ଦିନ ଧରି ସମସ୍ତ ପ୍ରକାର ବିରୋଧ ଓ ରାଲି ଉପରେ ପ୍ରତିବନ୍ଧକ ଲଗାଇଛି। ସହରରେ ଧାରା ୧୪୪ ଲାଗୁ କରାଯାଇଛି। ଅନ୍ୟପକ୍ଷରେ, ଗିରଫରୁ ରକ୍ଷା ପାଇବା ପାଇଁ ଇମ୍ରାନ ଖାନ ଲାହୋରରେ ଥିବା ତାଙ୍କ ବାସଭବନ ଜମାନ ପାର୍କ ବାହାରେ ତାଙ୍କ ସମର୍ଥକଙ୍କୁ ଏକାଠି ସରକାର ବିରୋଧରେ ପ୍ରଦର୍ଶନ କରିଛନ୍ତି।