ବମ୍ବେ: ପ୍ରେମରେ ଉବୁଟୁବୁ ହେଉଛନ୍ତି ବଲିଉଡ୍ ଷ୍ଟାର ସୈଫ ଅଲ୍ଲି ଖାନ୍ଙ୍କ ବଡ଼ ପୁଅ ଇବ୍ରାହିମ୍ ଅଲି ଖାନ୍। ଟେଲି ପରଦାର ଚର୍ଚ୍ଚିତ ଅଭିନେତ୍ରୀ ଶ୍ୱେତା ତିଓ୍ବାରୀଙ୍କ ଝିଅଙ୍କୁ ଡେଟ୍ କରୁଛନ୍ତି ସେ। ଉଭୟଙ୍କୁ ଅନେକ ଥର ଏକାଠି ଦେଖିବାକୁ ମିଳିଥିବା ବେଳେ ଏବେ ଦୁହେଁ ମାଳଦ୍ୱୀପରେ ଛୁଟି ବିତାଉଛନ୍ତି। ସୋସିଆଲ ମିଡିଆରେ ଫଟୋ ଛାଡ଼ିବା ପରେ ସେସବୁ ଭାଇରାଲ ହେଉଛି।
୨୦୨୨ରୁ ଇବ୍ରାହିମଙ୍କୁ ପଲକ୍ ଡେଟ୍ କରୁଥିବା ନେଇ ଚର୍ଚ୍ଚା ହୋଇଆସୁଛି। ହେଲେ ଖୋଲାଖୋଲି ଭାବେ ସେମାନେ ସମ୍ପର୍କକୁ ସ୍ବୀକାର କରିନାହାନ୍ତି। ଏମିତିରେ ମାଳଦ୍ୱିପ ଛୁଟିର ଫଟୋ ପଲକ-ଇବ୍ରାହିମ ଛାଡ଼ିବା ପରେ ପ୍ରଶଂସକ ଉଭୟ ଏକାଠି ଥିବା କହୁଛନ୍ତି। କିଛି ଫଟୋରେ ବ୍ୟାକ୍ଗ୍ରାଉଣ୍ଡ ମଧ୍ୟ ସମାନ ରହିଥିବାରୁ ଏହା ସ୍ପଷ୍ଟ ହେଉଛି।
କିଛି ଦିନ ପୂର୍ବେ ଦୁଇ ଜଣଙ୍କୁ ଅବୁ ଜାନୀ ଏବଂ ସନ୍ଦୀପ ଖୋସଲାଙ୍କ ଦୀପାବଳି ପାର୍ଟିରେ ଦେଖାଯାଇଥିଲା। ଏଠାରେ ଦୁହେଁ ପରସ୍ପରକୁ ଆଲିଙ୍ଗନ କରୁଥିବା ନଜର ଆସିଥିଲେ।
