ହାଙ୍ଗଝୋ,୨୯।୯:ଭାରତୀୟ ଶୁଟରମାନେ ଏସୀୟ ଖେଳର ଷଷ୍ଠ ଦିନ ଅର୍ଥାତ୍ ଶୁକ୍ରବାର ଚମତ୍କାର ପ୍ରଦର୍ଶନ କରିଛନ୍ତି। ମହିଳା ଏବଂ ପୁରୁଷ ଖେଳାଳିମାନେ ମିଳିତ ଭାବେ ଭାରତର ଆକାଉଣ୍ଟରେ ଚାରୋଟି ପଦକ ଯୋଡିଛନ୍ତି। ଏହା ବ୍ୟତୀତ ଦୁଇଟି ବଡ ରେକର୍ଡ ମଧ୍ୟ ଭାଙ୍ଗିଥିଲେ। ଏସିଆନ ଗେମ୍ସର ବର୍ତ୍ତମାନର ସଂସ୍କରଣରେ, ଭାରତ କେବଳ ଶୁଟିଂରେ ୧୭ଟି ପଦକ ରହିଛି । ଷଷ୍ଠ ଦିନରେ ଇଶା ସିଂ ଏବଂ ପଲକ ପ୍ରତ୍ୟେକ ଦୁଇଟି ପଦକ ଜିତିଥିଲେ।
ମହିଳା ୧୦ ମିଟର ଏୟାର ପିସ୍ତଲ ଇଭେଣ୍ଟରେ ପଲକ ସ୍ବର୍ଣ୍ଣ ପଦକ ଜିତିଥିଲେ। ଯେଉଁଠାରେ ଇଶା ସିଂ ରୌପ୍ୟ ପଦକ ଜିତିଛନ୍ତି। ବ୍ରୋଞ୍ଜ ପଦକ ସହ ପାକିସ୍ତାନର କିଶମାଲା ତଲାଟଙ୍କୁ ସନ୍ତୁଷ୍ଟ ହେବାକୁ ପଡିଲା। ପଲକ ୨୪୨.୧ ଏବଂ ଇଶାନ ୨୩୯.୮ ସ୍କୋର କରିଥିଲେ। ପଲକ ଏକ ଏସୀୟ ଗେମ୍ସ ରେକର୍ଡ ମଧ୍ୟ କରିଥିଲେ। ସେ ଏହି ପ୍ରତିଯୋଗିତାରେ ସର୍ବାଧିକ ସ୍କୋର କରିଥିଲେ। କିଶମାଲା ୨୧୮.୨ ସ୍କୋର କରିଥିଲେ। ଏହି ପ୍ରତିଯୋଗିତାରେ ଇଶାଙ୍କ ଚତୁର୍ଥ ପଦକ।
ଐଶ୍ୱର୍ଯ୍ୟା ପ୍ରତାପ ସିଂ, ସ୍ବପ୍ନିଲ ଏବଂ ଅଖିଲ ଚମତ୍କାର ପ୍ରଦର୍ଶନ କରି ୫୦ ମିଟର ରାଇଫଲ ପୁରୁଷ ଦଳ ଇଭେଣ୍ଟରେ ସ୍ବର୍ଣ୍ଣ ପଦକ ଜିତିଥିଲେ।