ପୁରୀ,୧୨।୨: ଏପ୍ରିଲ ୧୪ ତାରିଖରେ ପାଳନ ହେବ ମହାବିଷୁବ ପଣା ସଂକ୍ରାନ୍ତି। ଏପ୍ରିଲ ୧୩ ନା ୧୪ ତାରିଖରେ ପଣା ସଂକ୍ରାନ୍ତି ହେବ ତାହାକୁ ନେଇ ସଂଶୟ ଉପୁଜିଥିଲା। ଯେଉଁଥିପାଇଁ ସୋମବାର ପୁରୀରେ ପାଞ୍ଜି ବୈଠକ ବସିଥିଲା। ବୈଠକରେ ମୁକ୍ତି ମଣ୍ଡପ ପଣ୍ଡିତ ୧୪ ତାରିଖରେ ମହାବିଷୁବ ପଣା ସଂକ୍ରାନ୍ତି ପାଳନ କରିବାକୁ ମୋହର ମାରିଛନ୍ତି।
ତେବେ ବଜାରରେ ମିଲୁଟିବା କିଛି ପାଞ୍ଜି ଅନୁଯାୟୀ ଏପ୍ରିଲ ୧୩ରେ ପଣା ସଂକ୍ରାନ୍ତି ବୋଲି ଉଲ୍ଲେଖ ରହିଛି । ହେଲେ ଶ୍ରୀମନ୍ଦିର ପ୍ରଶାସନ ଦ୍ବାରା ସୀକୃତ ରାଧାରମଣ ପଞ୍ଜିକା ଏବଂ ଆଉ କିଛି ଗଣନାକାରି ଏପ୍ରିଲ ୧୪ରେ ପଣା ସଂକ୍ରାନ୍ତି ପାଳନ କରାଯିବ ବୋଲି କହିଛନ୍ତି। ଯାହାକୁ ନେଇ ଲୋକମାନଙ୍କ ମନରେ ସଂଶୟ ଉପୁଜିଥିଲା। ଏହି ବିଭାନ୍ତ୍ରିକ ଦୂର କରିବାକୁ ପୂର୍ବରୁ ପୁରୀରେ ଏକ ବୈଠକ ବସିଥିଲା। ହେଲେ ସମାଧାନ ହୋଇପାରନିଥିଲା। ଶେଷରେ ସୋମବାର ମାନେ ପୁଣି ଥରେ ମୁକ୍ତି ମଣ୍ଡପ ସଭା ବସିଥିଲା ।