ନୂଆଦିଲ୍ଲୀ,୧୯।୧୧: ପାନାସୋନିକ ଲାଇଫ୍ ସଲ୍ୟୁସନ ଇଣ୍ଡିଆ ପକ୍ଷରୁ ଏକ ମଡ୍ୟୁଲର କିଚେନ ରେଞ୍ଜର ଶୁଭାରମ୍ଭ ସମ୍ପର୍କରେ ଘୋଷଣା କରାଯାଇଛି। ବିଶେଷକରି ଜାପାନୀ ପ୍ରଯୁକ୍ତିବିଦ୍ୟା ଏବଂ ଭାରତୀୟ ଉପତ୍ାଦନର ମିଶ୍ରଣରେ ଏହି ସୁଲଭ ବିଳାସପୂର୍ଣ୍ଣ ଉତ୍ପାଦ ପାଇପାରିବେ। ଏପରିକି ଏହି ନୂତନ ପରିସର ସମଗ୍ର ଭାରତରେ ୨୩ଟି ସହରର ୨୫ଟି ଖୁଚୁରା ଷ୍ଟୋରରେ ଉପଲବ୍ଧ।
ଏ ସମ୍ପର୍କରେ ପାନାସୋନିକ ହାଉସିଂ ସଲ୍ୟୁସନ କମ୍ପାନୀ ଲିମିଟେଡ୍ର ସହାୟକ ନିର୍ଦ୍ଦେଶକ (କିଚେନ ଫର୍ନିଚର, ବାଥ୍ରୁମ୍ ଏବଂ ସାନିଟାରି ଫିଟିଂ ବିଜ୍ନେସ୍ ଡିଭିଜନ)ର ୟୋସିୟୁକି କିତାଜାକି କହିଛନ୍ତି, ଆମର ବିଦେଶୀ ବ୍ୟବସାୟ ପାଇଁ ଭାରତୀୟ ବଜାର ସବୁଠାରୁ ଗୁରୁତ୍ୱପୂର୍ଣ୍ଣ ବୋଲି ଆମେ ବିଶ୍ୱାସ କରୁଛୁ ଏବଂ ଏହି ମାସରେ ଭାରତରେ ନିର୍ମିତ ଏକ ନୂତନ ଉପତ୍ାଦ ‘ଓ-କ୍ଲାସ୍ ରୋଷେଇଘର’ ଆମେ ଉନ୍ମୋଚନ କରିଛୁ। ନୂତନ ଉପତ୍ାଦ ଓ-କ୍ଲାସ୍ ରୋଷେଇ ଘରର ଯୋଗ ସହିତ ଆମର ଭାରତୀୟ ବ୍ୟବସାୟକୁ ଆହୁରି ବିସ୍ତାର କରିବା ଏବଂ ଆମର ଆବାସିକ ଉପକରଣ ବ୍ୟବସାୟ ପାଇଁ ଏକ ବ୍ରାଣ୍ଡ୍ ପ୍ରତିଷ୍ଠା କରିବା ଉଦ୍ଦେଶ୍ୟରେ ଆମେ ଆମର ମାର୍କେଟିଂ କାର୍ଯ୍ୟକଳାପକୁ ମଜଭୁତ କରିବୁ। ଆଗକୁ ବଢ଼ି ଆରାମଦାୟକ ରହିବା ସ୍ଥାନର ପ୍ରସ୍ତାବ ଦେଇ ଆମ କମ୍ପାନୀ ଏକ ଆରାମଦାୟକ ଏବଂ ନିରାପଦ ସମାଜ ସିଦ୍ଧ କରିବାରେ ଯୋଗଦାନ ଦେବ।