ଝାରସୁଗୁଡ଼ା ଅଫିସ,୨୧ା୫: ବ୍ରଜରାଜନଗର ଉପନିର୍ବାଚନରେ ବିଜେଡି ପ୍ରାର୍ଥିନୀ ଅଳକା ମହାନ୍ତିଙ୍କୁ ବିଜୟୀ କରିବା ପାଇଁ ଦଳ ପକ୍ଷରୁ ଜୋରଦାର ପ୍ରଚାର ଚାଲିଛି। ଏଥିରେ ମନ୍ତ୍ରୀ, ଏମ୍ପି, ବିଧାୟକ ଓ ଦଳୀୟ ନେତୃବୃନ୍ଦ ସାଙ୍ଗରେ କର୍ମୀଙ୍କୁ ଧରି ଲାଗି ପଡ଼ିଛନ୍ତି। ଏଭଳି ସ୍ଥିତିରେ ଦଳର ପ୍ରଚାରକୁ ଆହୁରି ମଜଭୁତ କରିବା ପାଇଁ ଶନିବାର ରାଜ୍ୟ ମହିଳା ବିଜେଡି ସଭାନେତ୍ରୀ ତଥା ବିଧାୟିକା ସ୍ନେହାଙ୍ଗିନୀ ଛୁରିଆ ୨୦ ଜଣିଆ ପ୍ରଚାରକଙ୍କ ତାଲିକା ଘୋଷଣା କରିଛନ୍ତି। ଏଥିରେ ସ୍ବାସ୍ଥ୍ୟମନ୍ତ୍ରୀଙ୍କ ଝିଅ ଦିପାଲି ଦାସଙ୍କୁ ସଂଯୋଜକ ଦାୟିତ୍ୱ ଦିଆଯାଇଛି। ଏହା ପୂର୍ବରୁ ଦିପାଲି ପଞ୍ଚାୟତ ନିର୍ବାଚନରେ ମହିଳାମାନଙ୍କୁ ନେଇ ସାଙ୍ଗଠନିକ ବୈଠକ ମାଧ୍ୟମରେ ନିର୍ବାଚନ ପରିଚାଳନା କରିଥିଲେ। ଏହି ଅଭିଜ୍ଞତା ବ୍ରଜରାଜନଗର ଉପନିର୍ବାଚନରେ ଅଳକାଙ୍କ ବିଜୟ ପାଇଁ ସହାୟକ ହେବ ବୋଲି ଦିପାଲି ତାଙ୍କ ପ୍ରତିକ୍ରିୟାରେ ପ୍ରକାଶ କରିଛନ୍ତି।
ସେହିପରି ପ୍ରଚାର ତାଲିିକାରେ ହିତେଶ୍ୱରୀ ତିହିରିଆ, ଯାଜ୍ଞସେନୀ ଓରାମ, ରାଣୀ ହାତୀ, ଝରଣା ସାଗର, ପୁଷ୍ପଲତା ସେଠୀ, ଶାନ୍ତି ପ୍ରଧାନ, ପଙ୍କଜ ପଧାନଙ୍କ ସହ ୨୦ ଜଣଙ୍କ ନାମ ପ୍ରଚାର ତାଲିକାରେ ସାମିଲ କରାଯାଇଛି।