ରିଆମାଳ କଲ୍ୟାଣ ମଣ୍ଡପରେ ପଞ୍ଚାୟତ ସମିତି ସମୀକ୍ଷା ବୈଠକ

ରିଆମାଳ, ୧୯ା୧୨ (ଡି.ଏନ୍‌.ଏ.) -ଦେବଗଡ ଜିଲା ରିଆମାଳ ସଦର ମହକୁମା କଲ୍ୟାଣ ମଣ୍ଡପ ଠାରେ ପଞ୍ଚାୟତ ସମିତି ସମୀକ୍ଷା ବୈଠକ ଶୁକ୍ରବାର ଅନୁଷ୍ଠିତ ହୋଇଯାଇଛି ା ଏହି ବୈଠକରେ ପଞ୍ଚାୟତ ସମିତି ଚେୟାରମେନ ରିତାଞ୍ଜଳୀ ହାତି ସଭାପତିତ୍ୱ କରିଥିଲେ ା ବୈଠକରେ ସମ୍ବଲପୁର ସାଂସଦ ନିତେଶଗଙ୍ଗଦେବ ଏବଂ ଦେବଗଡ ବିଧାୟକ ସୁବାସ ପାଣିଗ୍ରାହି ଯୋଗ ଦେଇଥିଲେ ା ରିଆମାଳ ବ୍ଲକର ୨୬ଟି ଗ୍ରାମ ପଞ୍ଚାୟତର ବିଭିନ୍ନ କ୍ଷେତ୍ରରେ ଉନ୍ନତି ଉପରେ ସମୀକ୍ଷା କରିଥିଲେ ା କୃଷି, ଶିକ୍ଷା, ଶିଶୁବିକାଶ, ସ୍ବାସ୍ଥ୍ୟ, ପାନୀୟଜଳ, ପଶୁସମ୍ପଦ ଉପରେ ବିଶେଷ ଭାବେ ଆଲୋଚନା ହୋଇଥିଲା ା ସମସ୍ତ ପଞ୍ଚାୟତର ସରପଞ୍ଚମାନେ ନିଜର ପଞ୍ଚାୟତ ଅଭାବ ଅସୁବିଧା ସମ୍ପର୍କରେ ଆଲୋକପାତ କରିଥିଲେ ା କୃଷି ଉପରେ ସୋଲାରଜଳ ପ୍ରକଳ୍ପ, ଗଭୀର ନଳକୂପ ପାଇଁ ସରକାରୀ ରିହାତି ଉପରେ କୃଷିସଂପ୍ରସାରଣ ଅଧିକରଣ କହିଥିଲେ। ମଞ୍ଚାସୀନ ଅତିଥିଭାବେ ବି.ଡି.ଓ. ଦିବ୍ୟଶଙ୍କର ଜୟପୁରିଆ, ବ୍ଲକ ଉପାଧ୍ୟକ୍ଷ ବୈକୁଣ୍ଠ ପାଇକରାୟ, ରିଆମାଳ ଜୋନ ୧ର ଜିଲା ପରିଷଦ ସଭ୍ୟା କନକ ପ୍ରଧାନ ଏବଂ ଜୋନ ୨ର ନିଶାନୀ ବେହେରା ପ୍ରମୁଖ ସମୀକ୍ଷା ବୈଠକରେ ଥିଲେ ା