କ.ନୂଆଗାଁ,୪ା୧୧(ଡି.ଏନ୍.ଏ.): କ.ନୂଆଗାଁ ବ୍ଲକ କଞ୍ଜାମେଣ୍ଡିରେ ଥିବା ଅମୃତ ସରବରକୁ ପଞ୍ଚାୟତି ରାଜ ଓ ପାନୀୟ ଜଳ କମିଶନର ଅରବିନ୍ଦ ଡାକୁଆ ଅମୃତ ସରବରକୁ ବୁଲି ଦେଖିଥିଲେ। ଅସମ୍ପୂର୍ଣ୍ଣ କାମକୁ ଶୀଘ୍ର ସମ୍ପୂର୍ଣ୍ଣ କରିବା ପାଇଁ କହିଥିଲେ। ଏଥିରେ ଜିଲା ପ୍ରକଳ୍ପ ନିର୍ଦ୍ଦେଶକ ବିଶ୍ବରଞ୍ଜନ ନାୟକ, ଗୋଷ୍ଠୀ ଉନ୍ନୟନ ଅଧିକାରୀ ଶରତ କୁମାର ପାତ୍ର, ସହକାରୀ ଯନ୍ତ୍ରୀ ଶୁଭଙ୍କର ମହାପାତ୍ର, ସହକାରୀ ଯନ୍ତ୍ରୀ ସିଦ୍ଧେଶ୍ୱର ପାଣିଗ୍ରାହୀ, ଜିଲା ପରିଷଦ ସଭ୍ୟା ଅନିତା ମଲିକ, କଞ୍ଜାମେଣ୍ଡି ସରପଞ୍ଚ ଗୁନୁଲତା ମଲିକ, କମ୍ପ୍ୟୁଟର ପ୍ରୋଗ୍ରାମର ରାକେଶ କୁମାର ସାହୁ ଓ ଗାଁ ସାଥି କଳାରାମ ବିଶିମାଝୀ ପ୍ରମୁଖ ଉପସ୍ଥିତ ଥିଲେ।