ଭୁବନେଶ୍ୱର,୭।୫: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ବାଚନମଣ୍ଡଳୀରେ ପ୍ରଚାର କରିଛନ୍ତି ଭି.କେ ପାଣ୍ଡିଆନ।
ମଙ୍ଗଳବାର ହିଞ୍ଜିଳିରେ ଜୋରଦାର ପ୍ରଚାର କରିଛନ୍ତି ଭିକେ ପାଣ୍ଡିଆନ । ଜନସଭାକୁ ସମ୍ବୋଧିତ କରି ପାଣ୍ଡିଆନ, ହିଞ୍ଜିଳି ପାଇଁ ହୋଇଥିବା ବିକାଶମୂଳକ କାମର ହିସାବ ଦେଇ ଦଳୀୟ ପ୍ରାର୍ଥୀଙ୍କ ପାଇଁ ଭୋଟ ଭିକ୍ଷା କରିଛନ୍ତି ।
ହିଞ୍ଜିଳିରୁ ମୁଖ୍ୟମନ୍ତ୍ରୀ ସ୍କୁଲ ରୂପାନ୍ତରଣ କାମ ଆରମ୍ଭ କରିଥିଲେ । ହିଞ୍ଜିଳିର ରୂପାନ୍ତରଣ ମଡେଲ ପୂରା ରାଜ୍ୟରେ ଲାଗୁ ହୋଇଛି । ମନ୍ଦିର ରୂପାନ୍ତରଣ ମଧ୍ୟ ହିଞ୍ଜିଳିରୁ ଆରମ୍ଭ ହୋଇଛି ବୋଲି କହିଛନ୍ତି ପାଣ୍ଡିଆନ । ୫ ବର୍ଷରେ ଥରେ ସୁଯୋଗ ଆସିଛି, ଏଥର ପୁଣିଥରେ ନବୀନ ପଟ୍ଟନାୟକଙ୍କୁ ଆଶୀର୍ବାଦ କରନ୍ତୁ ବୋଲି ପାଣ୍ଡିଆନ ନିବେଦନ କରିଛନ୍ତି। ହିଞ୍ଜିଳିବାସୀଙ୍କ ଗୋଟିଏ ଗୋଟିଏ ଭୋଟ ଓ ସଶକ୍ତ କରିବ । ଆଗକୁ ହିଞ୍ଜିଳି ସବୁଥିରେ ଏକ ନମ୍ବର ହେବ ବୋଲି କହିଛନ୍ତି ପାଣ୍ଡିଆନ ।