ଅନୁଗୋଳ,୧୩ା୫(ଅମିତ କୁମାର ସାମଲ): ୫-ଟି ଅଧ୍ୟକ୍ଷ ତଥା ବିଜେଡି ନେତା କାର୍ତ୍ତିକ ପାଣ୍ଡିଆନ ସୋମବାର ଅନୁଗୋଳ ଜିଲାରେ ଦଳୀୟ ନିର୍ବାଚନ ପ୍ରଚାରର ମଙ୍ଗ ଧରିବେ। ଅପରାହ୍ନ ସାଢ଼େ ୩ଟାରେ ସେ ପାଲଲହଡ଼ା ନିର୍ବାଚନମଣ୍ଡଳୀରେ ପହଞ୍ଚି ସାଧାରଣ ସଭାରେ ଯୋଗଦେବେ। ପରେ ତାଳଚେରରେ ଏକ ସାଧାରଣ ସଭାସାରି ଅନୁଗୋଳ ଆସି ରୋଡ୍ ଶୋ’ କରିବେ। ଅନୁଗୋଳରେ ୩ରୁ ସାଢ଼େ ୩ ଘଣ୍ଟାର ରୋଡ୍ ଶୋ’ ରହିଥିବା ବିଜେଡିର ସହ ପର୍ଯ୍ୟବେକ୍ଷକ କୁନ ବିହାରୀ ଦାସ ସୂଚନା ଦେଇଛନ୍ତି। ସେହିପରି ବିଜେଡି ରାଜ୍ୟ ସାଙ୍ଗଠନିକ ସମ୍ପାଦକ ତଥା ସମ୍ବଲପୁର ଏମ୍ପି ପ୍ରାର୍ଥୀ ପ୍ରଣବ ପ୍ରକାଶ ଦାସ ଆଠମଲ୍ଲିକ ଓ ଛେଣ୍ଡିପଦା ନିର୍ବାଚନମଣ୍ଡଳୀରେ ପ୍ରଚାର କରିବାର କାର୍ଯ୍ୟକ୍ରମ ରହିଥିବା ସୂଚନା ମିଳିଛି।
୫-ଟି ଅଧ୍ୟକ୍ଷ ତଥା ବିଜେଡି ନେତା ପାଣ୍ଡିଆନ ଅପରାହ୍ନ ସାଢ଼େ ୩ଟାରେ ପାଲଲହଡ଼ା ନିର୍ବାଚନମଣ୍ଡଳୀର ରେଙ୍ଗାଳି ପଡ଼ିଆରେ ପହଞ୍ଚତ୍ବେ। ସେଠାରେ ସେ ସାଧାରଣ ସଭାରେ ଉଦ୍ବୋଧନ ଦେବା ସହ ବିଜେଡି ବିଧାୟକ ପ୍ରାର୍ଥୀ ଓ ଏମ୍ପି ପ୍ରାର୍ଥୀଙ୍କ ପାଇଁ ଭୋଟ ଭିକ୍ଷା କରିବେ। ପରେ ତାଳଚେର ନିର୍ବାଚନମଣ୍ଡଳୀର ହାଣ୍ଡିଧୁଆଠାରେ ଅପରାହ୍ନ ସାଢ଼େ ୪ଟାରେ ପହଞ୍ଚତ୍ ସାଧାରଣ ସଭାରେ ଯୋଗଦେଇ ବିଧାୟକ ପ୍ରାର୍ଥୀ ଓ ଏମ୍ପି ପ୍ରାର୍ଥୀଙ୍କ ପାଇଁ ପ୍ରଚାର କରିବେ। ସେଠାରୁ କାର୍ଯ୍ୟକ୍ରମ ସାରି ଅନୁଗୋଳ ନିର୍ବାଚନମଣ୍ଡଳୀରେ ସାଢ଼େ ୫ଟାରେ ପହଞ୍ଚତ୍ବେ। କିଛି ସମୟର ବିଶ୍ରାମ ପରେ ରେଭିନ୍ୟୁ କଲୋନୀ ନିକଟରୁ ରୋଡ୍ ଶୋ’ରେ ବାହାରି ଅଗ୍ନିଶମ ବିଭାଗ ଛକ, ଅମଲାପଡ଼ା ମୋହନ ସାହୁ ଛକ, ବାଳିକା ଉଚ୍ଚ ବିଦ୍ୟାଳୟ, ପୁରୁଣା ବସ୍ଷ୍ଟାଣ୍ଡ, ରାଜା ଛକ, ମେଡିକାଲ ଛକ, ବଜାର ଛକ, ହରିମହୁରି ଛକ, ହୁଲୁରିସିଂହା ଛକ, ଘନ ସାହୁ ଛକ, ହେମସୁରପଡ଼ା ଛକ, ଡିଆଇସି ଛକ, ରାଜା ଛକ ଦେଇ ଥାନା ଛକ ଯାଏ ଯିବେ। ଅନୁଗୋଳରେ ରାତ୍ରୀ ଯାପନ କରି ମଙ୍ଗଳବାର ସକାଳେ ସଭାଘର ଠାରେ ଏକ ବୈଠକ କରିବାର କାର୍ଯ୍ୟକ୍ରମ ରହିଛି। ପାଣ୍ଡିଆନଙ୍କ ଗସ୍ତ କାର୍ଯ୍ୟକ୍ରମକୁ ନେଇ ଜିଲା ବିଜେଡି କ୍ୟାମ୍ପରେ ଘନ ଘନ ବୈଠକ ବସୁଥିବା ବେଳେ ପୋଲିସ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା କରାଯାଇଛି। ଜିଲାରେ ମୋଟ ୩୦ ଜଣ ଅଧିକାରୀଙ୍କ ସହ ୧୦ ପ୍ଲାଟୁନ୍ ଫୋର୍ସ ବ୍ୟବସ୍ଥା କରାଯାଇଥିବା ଜିଲା ପୋଲିସ ମୁଖ୍ୟାଳୟ ପକ୍ଷରୁ ସୂଚନା ପ୍ରଦାନ କରାଯାଇଛି।