ନୂଆଦିଲ୍ଲୀ,୨୯।୯: ଭାରତୀୟ କ୍ରିକେଟ ଟିମ୍ର ଅଲରାଉଣ୍ଡର ପାଣ୍ଡ୍ୟା ବ୍ରଦର୍ସ ଅର୍ଥାତ ହାର୍ଦ୍ଦିକ ପାଣ୍ଡ୍ୟା ଏବଂ କ୍ରୁନାଲ ପାଣ୍ଡ୍ୟା ସର୍ବଦା ନିଜର ଜୀବନଚର୍ଯ୍ୟାକୁ ନେଇ ଚର୍ଚ୍ଚାରେ ରହିଥାନ୍ତି। ଏବେ ଶୁଣାଯାଉଛି ଦୁଇ ଭାଇ ମୁମ୍ବାଇର ବାନ୍ଦ୍ରାସ୍ଥିତ ରୁସ୍ତମଜୀ ପାରାମାଉଣ୍ଟରେ ୩୦ କୋଟିର ଭବ୍ୟ ବଙ୍ଗଳାରେ ରହିବେ। ନିକଟରେ ଏକ ସାକ୍ଷାତକାରରେ ହାର୍ଦ୍ଦିକ ମୁମ୍ବାଇରେ ଘର କିଣୁ ନ ଥିବା ସ୍ପଷ୍ଟ କରିବା ସହ ଭଡ଼ାରେ ରହିବେ ବୋଲି କହିଥିଲେ। ମୁମ୍ବାଇରେ ୮ ବିଏଚ୍କେ ଆପାର୍ଟମେଣ୍ଟକୁ ଭଡ଼ାରେ ନେବେ ପାଣ୍ଡ୍ୟା। ୟୁଏଇରୁ ସେମାନେ ଫେରିବା ପରେ ଉକ୍ତ ଘରେ ଗୃହ ପ୍ରବେଶ କରିବେ।
ପାଣ୍ଡ୍ୟା ଭାଇ ଯେଉଁ ଘରେ ରହିବେ ତାର ମୂଲ୍ୟ ପାଖାପାଖି ୨୮ରୁ ୩୦ କୋଟି ଟଙ୍କା ହେବ। ଉକ୍ତ ବଙ୍ଗଳାରେ ପ୍ରାଇଭେଟ ସୁଇମିଂ ପୁଲ୍ଠାରୁ ଆରମ୍ଭ କରି ଥିଏଟର ଭଳି ସୁବିଧା ରହିଛି। ଏହାଛଡ଼ା ଜିମ୍ ଏବଂ ଗେମିଂ ଜୋନ ମଧ୍ୟ ରହିଥିବା କୁହାଯାଉଛି।
ହାର୍ଦ୍ଦିକଙ୍କ ଏହି ଭଡ଼ା ଘର ନିକଟରେ ବଲିଉଡ୍ ଅଭିନେତା ଟାଇଗର ଶ୍ରଫ ଏବଂ ତାଙ୍କ କଥିତ ପ୍ରେମିକା ଦିଶା ପଟାନୀ ମଧ୍ୟ ରୁହନ୍ତି। ଏଣୁ ଏହି ଯୋଡ଼ିଙ୍କ ପଡୋଶୀ ହେବେ ସେ।
ପ୍ରକାଶ ଯେ, ଏବେ ୟୁଏଇରେ ଆଇପିଏଲ୍ ୨୦୨୧ ରେ ମୁମ୍ବାଇ ଇଣ୍ଡିଆନ୍ସ ସହ ଜଡ଼ିତ ଅଛନ୍ତି ପାଣ୍ଡ୍ୟା ବ୍ରଦର୍ସ। ଟୁର୍ନାମେଣ୍ଟ ପରେ ହାର୍ଦ୍ଦିକ ଟି-୨୦ ବିଶ୍ୱକପ୍ରେ ଭାରତୀୟ ଦଳ ସହ ଯୋଡ଼ି ହେବେ। ସେହିଭଳି କ୍ରୁନାଲ ଭାରତ ଫେରିବେ।
