ନୂଆଦିଲ୍ଲୀ,୭।୧୨: ଏବେ କ୍ରିକେଟର ହାର୍ଦ୍ଦିକ ପାଣ୍ଡ୍ୟା ଭାରତୀୟ ଦଳ ବାହାରେ ଅଛନ୍ତି। ୨୦୨୩ ବିଶ୍ୱକପରେ ଏହି ଷ୍ଟାର ଅଲରାଉଣ୍ଡର ଆହତ ହୋଇଥିଲେ, ଯାହା ପରେ ସେ ଦଳକୁ ଫେରିପାରିନଥିଲେ। ବର୍ତ୍ତମାନ ହାର୍ଦ୍ଦିକ ପ୍ରତ୍ୟାବର୍ତ୍ତନ ପାଇଁ କଠିନ ପରିଶ୍ରମ କରୁଥିବା ଦେଖାଯାଉଛି। ଖବର ଅନୁଯାୟୀ, ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ଏବଂ ନ୍ୟାସନାଲ କ୍ରିକେଟ ଏକାଡେମୀ (ଏନସିଏ) ହାର୍ଦ୍ଦିକଙ୍କ ପାଇଁ ୧୮ ସପ୍ତାହର ଏକ ସ୍ବତନ୍ତ୍ର ଯୋଜନା ପ୍ରସ୍ତୁତ କରିଥିଲେ ଯେଉଁଥିରେ ତାଙ୍କୁ ପ୍ରତିଦିନ ମୂଲ୍ୟାଙ୍କନ କରାଯିବ।
ସେ ଇନଷ୍ଟାଗ୍ରାମରେ ଏକ ଭିଡିଓ ଶେୟାର କରିଛନ୍ତି, ଯେଉଁଥିରେ ସେ ବିଭିନ୍ନ ପ୍ରକାରର ବ୍ୟାୟାମ କରୁଥିବା ଦେଖିବାକୁ ମିଳିଛି। ଏହା ନିଶ୍ଚିତ ଯେ ହାର୍ଦ୍ଦିକ ୧୮ସପ୍ତାହ ପର୍ଯ୍ୟନ୍ତ ଦଳକୁ ଫେରିବେ ନାହିଁ, କାରଣ ସେ ବିସିସିଆଇର ସମ୍ପୂର୍ଣ୍ଣ ଯୋଜନା ଶେଷ କରିବେ। ତେବେ ତାଙ୍କ ଫେରିବା ସମ୍ପର୍କରେ ଏପର୍ଯ୍ୟନ୍ତ କୌଣସି ପ୍ରକାରର ସରକାରୀ ଘୋଷଣା କରାଯାଇ ନାହିଁ। ଏବେ ଯେତେବେଳେ ସେ ଟିମ ଇଣ୍ଡିଆକୁ ଫେରିବେ ତାହା ଦେଖିବା ମଜାଦାର ହେବ। ଏଥିପାଇଁ ପ୍ରଶଂସକମାନେ ଉତ୍ସାହର ସହ ଅପେକ୍ଷା ରଖିଛନ୍ତି।