ବମ୍ବେ: ବିବାହ ବନ୍ଧନରେ ଆବଦ୍ଧ ହେଉଛନ୍ତି ଗୋଟିଏ ପରେ ଗୋଟିଏ ଟେଲି କଳାକାର। ଗୋଟିଏ ପଟେ ବିଗ୍ବସ୍ ଫ୍ରେମ୍ ରାହୁଲ ବୈଦ୍ୟ ପ୍ରେମିକା ଦିଶା ପରମାରଙ୍କୁ ବିବାହ ଚର୍ଚ୍ଚାରେ ଥିବାବେଳେ ଅନ୍ୟପକ୍ଷେ ଷ୍ଟାରପ୍ଲସ୍ର ଧାରାବାହିକ ପାଣ୍ଡ୍ୟା ଷ୍ଟୋର୍ର ଅଭିନେତ୍ରୀ ଶାଇନି ଦୋଷୀ ହାତକୁ ଦୁଇ ହାତ ହେବାକୁ ଯାଉଛନ୍ତି। ଶାଇନି ପ୍ରେମିକ ଲଭେଶ ଖେରଜାନୀଙ୍କ ବଧୂ ସାଜିବେ।
ଶାଇନି ୨୦୨୦ ଜାନୁୟାରୀ ୪ରେ ନିର୍ବନ୍ଧ କରିଥିଲେ। ହେଲେ କରୋନା ମହାମାରୀକୁ ନେଇ କଟକଣା ଲାଗିଥିବାରୁ ଶାଇନି ବିବାହ ତାରିଖ ଘୁଞ୍ଚାଇ ଆସୁଥିଲେ। ଏବେ ପରିସ୍ଥିତି ସାମାନ୍ୟ ନିୟନ୍ତ୍ରଣକୁ ଆସିବା ପରେ ସେମାନେ ବିବାହ କରିବାକୁ ନିଷ୍ପତ୍ତି ନେଇଛନ୍ତି। ଆଜି ପରିବାର ତଥା ନିକଟ ସମ୍ପର୍କୀୟଙ୍କ ଗହଣରେ ଏହି ବିବାହ ଅନୁଷ୍ଠିତ ହେବ। ଏହାର କିଛି ଘଣ୍ଟା ପୂର୍ବରୁ ଅଭିନେତ୍ରୀଙ୍କ ମେହେନ୍ଦୀର ଫଟୋ ସୋସିଆଲ ମିଡିଆରେ ଘୁରି ବୁଲୁଛି। ଏଥିରେ ସେ ବେଶ୍ ଖୁସି ଥିବା ଜଣାପଡ଼ୁଛି।
ତେବେ ଶାଇନି ଧାରାବାହିକ ‘ପାଣ୍ଡ୍ୟା ଷ୍ଟୋର’ରେ ଧରା ଭୂମିକାରେ ନଜର ଆସୁଛନ୍ତି। ଏଥିରେ ସେ ଅଭିନେତା କିଶୁଂକ ମହାଜନଙ୍କ ସ୍ତ୍ରୀ ହୋଇଛନ୍ତି। ଧାରାବାହିକର କାହାଣୀ ପରିବାରିକ ଥିବା ଯୋଗୁ ଦର୍ଶକ ଏହାକୁ ବେଶ୍ ପସନ୍ଦ କରୁଛନ୍ତି।