ନୂଆଦିଲ୍ଲୀ,୬।୩: ସୋସିଆଲ ମିଡିଆରେ ପ୍ରତିଦିନ କ୍ରିକେଟରମାନଙ୍କର ବିଗତ ଦିନର ଫଟୋ ଭାଇରାଲ ହୋଇଥାଏ। ଏବେ ସେଭଳି ଏକ ଫଟୋ ଭାଇରାଲ ହେଉଛି ଯାହାକୁ ଆପଣ ଫଟୋରେ ଦେଖୁଥିବେ। ଯଦି ପଚରାଯାଏ ଚିହ୍ନନ୍ତୁ ନେହେରା ଅଟ୍ରୋଗ୍ରାଫ ଦେଇଥିବା ଏହି ଭାରତୀୟ କ୍ରିକେଟରଜଣଙ୍କ କିଏ, ତେବେ ହୁଏତ ଆପଣ ଚିହ୍ନି ନ ପାରନ୍ତି। ତେବେ ଆପଣଙ୍କୁ କହିଦେଉଛୁ ଫଟୋରେ ଦେଖାଯାଉଥିବା କୁନି ପିଲା ହେଉଛନ୍ତି ଉଇକେଟକିପର ତଥା ବ୍ୟାଟ୍ସମ୍ୟାନ୍ ରିଷଭ ପନ୍ତ।
ପୂର୍ବ କ୍ରିକେଟର ଆକାଶ ଚୋପ୍ରା ପନ୍ତ ଏବଂ ନେହେରାଙ୍କ ଫଟୋକୁ ନେଇ ମଜାଦାର କମେଣ୍ଟ ଦେଇଛନ୍ତି। ଆମେ ଯୁବ କୋହଲିଙ୍କ ନେହେରାଙ୍କ ସହ ଏଭଳି ଏକ ଫଟୋ ଦେଖିଛୁ। ତେବେ ଅନୁମାନ କରନ୍ତୁ ସଫଳତାର ରହସ୍ୟ କଣ।
ତେବେ ଶୁକ୍ରବାର ରିଷଭ ଶତକୀୟ ପାଳି ଖେଳି ଭାରତକୁ ମଜଭୂତ ସ୍ଥିତିକୁ ଆଣିଥିଲେ। ସେ ଇଂଲଣ୍ଡ ବିପକ୍ଷ ଚତୁର୍ଥ ଟେଷ୍ଟରେ ୧୧୮ବଲ୍ରେ ୧୦୧ରନ୍ କରିଥିଲେ। ଏହା ତାଙ୍କର ଟେଷ୍ଟ କ୍ୟାରିୟରର ୩ୟ ଏବଂ ଭାରତରେ ପ୍ରଥମ ଶତକ ଥିଲା। ପନ୍ତଙ୍କ ବ୍ୟାଟିଂ ଯୋଗୁ ଦଳ ଇଂଲଣ୍ଡଠାରୁ ସହଜ ବିଜୟ ହାସଲ କରିବାରେ ସଫଳ ହୋଇଛି। ଏହାକୁ ନେଇ ଏବେ ସେ ଚର୍ଚ୍ଚାର ବିଷୟ ପାଲଟିଛନ୍ତି।
