ସିଡନୀ,୩।୧: ଭାରତ-ଅଷ୍ଟ୍ରେଲିଆ ମଧ୍ୟରେ ୫ମ ଟେଷ୍ଟ ସିଡନୀରେ ଆରମ୍ଭ ହୋଇଛି। ଏହି ଟେଷ୍ଟରୁ ରୋହିତ ଶର୍ମା ବାଦ ପଡ଼ିଥିବା ବେଳେ ଜସପ୍ରିତ ବୁମ୍ରାଙ୍କ ନେତୃତ୍ୱରେ ଖେଳୁଛି ଦଳ। ଏବେ ରୋହିତଙ୍କୁ ଦଳରୁ ବାଦ୍ ପଡ଼ିବାକୁ ନେଇ ଋଷଭ ପନ୍ତଙ୍କ ବୟାନ ସାମ୍ନାକୁ ଆସିଛି। କିଛି ନିଷ୍ପତ୍ତି ଏଭଳି ହୁଏ, ଯେଉଁଥିରେ ଆପଣ ସାମିଲ ନ ଥାନ୍ତି ବୋଲି ପନ୍ତ କହିବା ସହ କାନ୍ଦି ପକାଇଛନ୍ତି। ଏଥିରୁ ସେ ରୋହିତଙ୍କୁ ଅଧିକ ସମ୍ମାନ ଜଣାଉଥିବା ସ୍ପଷ୍ଟ ହେଉଛି।
ପନ୍ତ କହିଛନ୍ତି ଯେ, ରୋହିତ ବାଦ୍ ପଡ଼ିବା କଷ୍ଟକର ଥିଲା। ଆମେ ତାଙ୍କୁ ସର୍ବଦା ଲିଡ୍ର ଭାବେ ଦେଖିଛୁ। ହେଲେ କେବେ କେବେ କିଛି ନଷ୍ପେତ୍ତି ଏଭଳି ହୋଇଥାଏ ଯେଉଁଥିରେ ଆପଣ ସାମିଲ ନ ଥାନ୍ତି। ଏହି ମାମଲାରେ ମୁଁ ବେଶି କିଛି କହିପାରିବି ନାହିଁ।
କହିରଖୁଛୁ, ରୋହିତ ଡ୍ରପ୍ ହେବାକୁ ନେଇ ଦଳର ମ୍ୟାନେଜମେଣ୍ଟ ପକ୍ଷରୁ ଜାରି ବୟାନରେ କୁହାଯାଇଛି ଯେ ରୋହିତଙ୍କୁ ଦଳରୁ ବାଦ୍ ଦିଆଯାଇ ନାହିଁ। ବରଂ ସେ ନିଜର ଖରାପ ଫର୍ମକୁ ନେଇ ନିଜକୁ ଦଳରୁ ବାହାରେ ରଖିବାକୁ ନିଷ୍ପତ୍ତି ନେଇଛନ୍ତି। ଏମିତିରେ କାହିଁକି ମ୍ୟାନେଜମେଣ୍ଟ ରୋହିତଙ୍କୁ ବାଦ ଦିଆଯିବା ନେଇ ସିଧା ଭାବେ ସ୍ବୀକାର କରୁନାହିଁ ତାହା ଅନେକଙ୍କୁ ଚକିତ କରିଛି।
ତେବେ ରୋହିତଙ୍କ ଫର୍ମକୁ ନେଇ ଲଗାତାର ପ୍ରଶ୍ନ ଉଠୁଥିଲା। ତାହାହିଁ ଦଳରୁ ଡ୍ରପ୍ ହେବା କାରଣ ପାଲଟିଛି। ଅଷ୍ଟ୍ରେଲିଆ ବିପକ୍ଷରେ ଚଳିତ ସିରିଜରେ ସେ ୫ ଇନିଂସ ଖେଳିଥିଲେ, ଯେଉଁଥିରେ ସେ ମାତ୍ର ୩୧ ରନ୍ କରିଥିଲେ।