ସାନ୍ଫ୍ରାନ୍ସିସ୍କୋ, ୧୨।୪: ମାଇକ୍ରୋ ବ୍ଲଗିଂ ଜାଏଣ୍ଟ ଟୁଇଟରରୁ ବାହାର ହୋଇଥିବା ପୂର୍ବତନ ସିଇଓ ପରାଗ ଅଗ୍ରଓ୍ବାଲଙ୍କ ସମେତ ଆଉ ୨ ପୂର୍ବତନ ଏକ୍ଜିକ୍ୟୁଟିଭ୍ ଏଲନ ମସ୍କଙ୍କ ବିରୋଧରେ ଏକ କୋର୍ଟରେ ମକଦ୍ଦମା ଦାଏର କରିଛନ୍ତି। କମ୍ପାନୀ ପୂର୍ବ ଚୁକ୍ତି ଅନୁସାରେ ଉକ୍ତ କର୍ମଚାରୀଙ୍କୁ କ୍ଷତିପୂରଣ ବାବଦକୁ ଟଙ୍କା ଦେଇ ନ ଥିବା ଅଭିଯୋଗ କରି ମକଦ୍ଦମା ଦାଏର ହୋଇଛି। ଟୁଇଟରର ୩ ପୂର୍ବତନ କର୍ମଚାରୀ ବର୍ତ୍ତମାନ ସମୟରେ କମ୍ପାନୀଠାରୁ ୧ ମିଲିୟନ୍ ଡଲାର ନେବାକୁ ଦାବିଦାର। ଆଇନ ଅନୁସାରେ କମ୍ପାନୀ ଏହି ଟଙ୍କା କର୍ମଚାରୀଙ୍କୁ ଦେବାକୁ ବାଧ୍ୟ ବୋଲି ମକଦ୍ଦମାରେ ଉଲ୍ଲେଖ କରାଯାଇଛି। ଗତବର୍ଷ ଅକ୍ଟୋବରରେ ମସ୍କ ୪୪ ବିଲିୟନ୍ ଡଲାରରେ ଟୁଇଟର କିଣିଥିଲେ। ପରେ ମସ୍କ ପରାଗ ଅଗ୍ରଓ୍ବାଲଙ୍କ ସମେତ କମ୍ପାନୀର ପୂର୍ବତନ ଚିଫ୍ ଲିଗାଲ୍ ଅଫିସର ବିଜୟା ଗାଡେ ଏବଂ ମୁଖ୍ୟ ଫାଇନାନ୍ସ ଅଫିସର ନେଡ୍ ସେଗାଲଙ୍କୁ ଚାକିରିରୁ ବାହାର କରିଥିଲେ।