ଅଭିଭାବକଙ୍କ ଜିଦ୍‌, ସାନିଟାଇଜ୍‌ ହେଲା ସ୍କୁଲ
11:45 amJanuary 9, 2021January 9, 2021 / 43

ପାତ୍ରପୁର,୯ା୧(ଡି.ଏନ୍‌.ଏ.): କରୋନା କଟକଣା ଯୋଗୁ ଦୀର୍ଘଦିନ ଧରି ବନ୍ଦ ଥିବା ସ୍କୁଲ ଶୁକ୍ରବାର ଖୋଲିଛି। ଗଞ୍ଜାମ ଜିଲା ପାତ୍ରପୁର ବ୍ଲକ ସାମନ୍ତିଆପଲ୍ଲୀ ସ୍ଥିତ ପରାଙ୍କୁଶ ବିଦ୍ୟାପୀଠକୁ ୮୩ଜଣ ଦଶମ ଶ୍ରେଣୀ ଛାତ୍ରୀଛାତ୍ର ସକାଳ ୧୦ଟାରେ ଆସିଥିଲେ। ସେମାନଙ୍କ ସହ କେତେଜଣ ଅଭିଭାବକ ମଧ୍ୟ ଆସିଥିଲେ। ସ୍କୁଲ ପରିସର ସାନିଟାଇଜ୍‌ କରିବାକୁ ଅଭିଭାବକମାନେ ଜିଦ୍‌ ଧରିଥିଲେ। କରୋନାବେଳେ ରାଜ୍ୟ ବାହାରୁ ଆସିଥିବା ଶ୍ରମିକଙ୍କୁ ଏଠାରେ ରଖାଯାଇଥିବାରୁ ସାନିଟାଇଜ୍‌ ନହେଲେ ଆମ ପିଲାମାନଙ୍କୁ ଛାଡିବୁନାହିଁ ବୋଲି ଅଡି ବସିଥିଲେ। ଏନେଇ ସ୍କୁଲ ପ୍ରଶାସନ ବ୍ଲକ ଶିକ୍ଷା ଅଧିକାରୀ ଲୋକନାଥ ପାଢ଼ୀ ଓ ବିଡ଼ିଓ ପ୍ରକାଶ ଚନ୍ଦ୍ର ଦାସଙ୍କୁ ଅବଗତ କରାଇଥିଲେ। ବିଡ଼ିଓ ଓ ବିଇଓ ପହଞ୍ଚତ୍ ଅଭିଭାବକଙ୍କୁ ବୁଝାଇଥିଲେ ମଧ୍ୟ ସେମାନେ ନ ମାନି ପିଲାଙ୍କୁ ନେଇ ଘରକୁ ଫେରିଯିବାକୁ ବାହାରିଥିଲେ। ପରେ ପାତ୍ରପୁର ଅଗ୍ନିଶମ ବାହୀନି ପହଞ୍ଚତ୍ ଶ୍ରେଣୀଗୃହ ସାନିଟାଇଜ୍‌ କରିଥିଲା। ମାତ୍ର ଡେସ୍କ, ବେଞ୍ଚରେ ବିଶୋଧିତ ପାଣି ପଡି ଓଦା ହୋଇଯିବାରୁ ଛାତ୍ରୀଛାତ୍ରମାନେ କ୍ଲାସ ନକରି ଘରକୁ ଫେରିଯାଇଥିଲେ।