ନୂଆଦିଲ୍ଲୀ,୧।୪: ପ୍ରିୟାଂଶ ଆର୍ଯ୍ୟା ଆଇପିଏଲରେ ଡେବ୍ୟୁ କରିଛନ୍ତି। ଗୁଜରାଟ ଟାଇଟାନ୍ସ ବିପକ୍ଷ ମ୍ୟାଚ୍ରେ ଏହି ଖେଳାଳି ଦ୍ରୁତ ୪୭ ରନ କରି ପଞ୍ଜାବ କିଙ୍ଗସକୁ ଏକ ଚମତ୍କାର ବିଜୟ ଦେଇଥିଲେ। ଏବେ ପ୍ରିୟାଂଶଙ୍କୁ ନେଇ ଚର୍ଚ୍ଚା ଜୋର ଧରିଛି। ଏହି ଖେଳାଳି ତାଙ୍କ ପିତାଙ୍କ ସ୍ବପ୍ନକୁ ପୂରଣ କରିବାକୁ ନିଷ୍ପତ୍ତି ନେଇଛନ୍ତି, ଯାହା ବିଷୟରେ ସେ କେବେ ଭାବି ନ ଥିଲେ। ପ୍ରିୟାଂଶ ଆର୍ଯ୍ୟ ଖୁବ୍ଶୀଘ୍ର ତାଙ୍କ ବାପାଙ୍କ ପାଇଁ ଏକ ଘର କିଣିବାକୁ ଯାଉଛନ୍ତି।
ପ୍ରିୟାଂଶ ଆର୍ଯ୍ୟଙ୍କ ବାପା-ମା’ ଶିକ୍ଷକ, କିନ୍ତୁ ସେମାନେ ଏପର୍ଯ୍ୟନ୍ତ ନିଜର ଘର କିଣିପାରି ନାହାଁନ୍ତି। ସେ ଦିଲ୍ଲୀରେ ଏକ ଭଡା ଘରେ ରୁହନ୍ତି। କିନ୍ତୁ ଏବେ ପ୍ରିୟାଂଶ ଏହାକୁ ଖୁବ ଶୀଘ୍ର କିଣିବାକୁ ଯାଉଛନ୍ତି। ଆଇପିଏଲ ନିଲାମରେ ପ୍ରିୟାଂଶଙ୍କୁ ୩ କୋଟି ୮୦ ଲକ୍ଷ ଟଙ୍କାରେ କିଣାଯାଇଛି।
ପ୍ରିୟାଂଶଦିଲ୍ଲୀ ପ୍ରିମିୟର ଲିଗ ଯୋଗୁ ଏହି ଖେଳାଳି ଚର୍ଚ୍ଚାକୁ ଆସିଥିଲେ। ପ୍ରିୟାଂଶ ଦକ୍ଷିଣ ଦିଲ୍ଲୀ ସୁପରଷ୍ଟାର୍ସ ପାଇଁ ଖେଳିବା ସମୟରେ କେବଳ ଏକ ଚମତ୍କାର ଶତକ ମାରି ନ ଥିଲେ, ବରଂ ଏହି ଖେଳାଳି ଉତ୍ତର ଦିଲ୍ଲୀ ବୋଲର ମନନ ଭରଦ୍ୱାଜଙ୍କ ୬ ବଲରେ ୬ ଛକା ମଧ୍ୟ ମାରିଥିଲେ। ଏହିଠାରୁ ପ୍ରିୟାଂଶଙ୍କ ଭାଗ୍ୟ ଚମକି ଉଠିଥିଲା ଏବଂ ପଞ୍ଜାବ ଏହି ଖେଳାଳିଙ୍କୁ ଏକ ବିପୁଳ ପରିମାଣର ରାଶି ଦେଇ ଆଇପିଏଲ୍ରେ କିଣିଥିଲା।
