ମୁମ୍ବାଇ: ବଲିଉଡ ଫିଲ୍ମର ଆଗଧାଡିର ନାୟିକା ପରିଣିତି ଚୋପ୍ରା ଓ ଆମ ଆଦମୀ ପାର୍ଟି(ଏଏପି)ର ବିଧାୟକ ରାଘବ ଚଢାଙ୍କ ରିଲେଶନକୁ ନେଇ ଏବେ ଖୁବ ଚର୍ଚ୍ଚା ହେଉଛି। ଏମାନଙ୍କ ବିବାହକୁ ନେଇ ଭିନ୍ନ ଭିନ୍ନ ପ୍ରକାର ଖବର ସାମ୍ନାକୁ ଆସୁଛି। ହେଲେ ଏବେ ପର୍ଯ୍ୟନ୍ତ ପରିଣିତ ଓ ରାଘବ ଏହି ଖବରକୁ ନେଇ ଚୁପ ରହିଛନ୍ତି। ଏମାନଙ୍କ ପରିବାର ପକ୍ଷରୁ ବି ଏ ନେଇ କିଛି ଶୁଣିବାକୁ ମିଳିନାହିଁ। ହେଲେ ପରିଣିତିଙ୍କୁ ତାଙ୍କ ବିବାହ ଅବା ଏନଗେଜମେଣ୍ଟକୁ ନେଇ ଯଦି କିଛି ପ୍ରଶ୍ନ କରାଯାଏ ତେବେ ସେ ସବୁବେଳେ ବ୍ଲଶ କରିଥାଆନ୍ତି।
କିଛିଦିନ ତଳେ ପରିଣିତି ଦିଲ୍ଲୀରେ ଥିବା ବେଳେ ତାଙ୍କ ବିବାହକୁ ନେଇ ଚର୍ଚ୍ଚା ହେଉଥିଲା। ଏହି ସମୟରେ ତାଙ୍କ କଜିନ ସିଷ୍ଟର ପ୍ରିୟଙ୍କା ଚୋପ୍ରା ଭାରତ ଆସିଥିଲେ। ତତପଶ୍ଚାତ୍ ଅନୁମାନ କରାଯାଉଥିଲା କି ଏପ୍ରିଲ ପ୍ରଥମ ସପ୍ତାହରେ ହୁଏତ ପରିଣିତିଙ୍କ ଶେହନାଇ ବାଜିବ। ହେଲେ ସେମିତି କିଛି ହେଲା ନାହିଁ। ଏବେ ଶୁଣିବାକୁ ମିଳୁଛି କି ଏପ୍ରିଲ ୧୦ରେ କୁଆଡେ ପରିଣିତି ଓ ରାଘବଙ୍କ ଏନଗେଜମେଣ୍ଟ ହେବ। ସୂଚନାଯୋଗ୍ୟ, ଦିଲ୍ଲୀ, ବିମାନ ବନ୍ଦରରେ ପରିଣିତିଙ୍କୁ ରାଘବଙ୍କ ସହ ଦେଖି ପ୍ୟାପାରାଜି ପ୍ରଶ୍ନ କରିବାରୁ ସେ ସାମାନ୍ୟ ଲାଜେଇ ଯାଇଥିଲେ।
