ମୁମ୍ବାଇ: ବଲିଉଡ ଅଭିନେତ୍ରୀ ପରିଣିତି ଚୋପ୍ରା ଓ ଆମ ଆଦମୀ ପାର୍ଟି(ଏଏପି) ନେତା ରାଘବ ଚଢା ଏବେ ସେମାନଙ୍କ ବିବାହକୁ ନେଇ ଖୁବ ଚର୍ଚ୍ଚାରେ। ଆଉ ମାତ୍ର କେଇ ଦିନ ମଧ୍ୟରେ ଏମାନେ ବିବାହ ବନ୍ଧନରେ ବାନ୍ଧି ହୋଇଯିବେ। କପଲ ୧୩ ମେ’ ୨୦୨୩ରେ ଦିଲ୍ଲୀରେ ଏନଗେଜମେଣ୍ଟ କରିଥିଲେ। ବର୍ତ୍ତମାନ ଚୋପ୍ରା ଏବଂ ଚଢା ପରିବାରରେ ବିବାହ ପ୍ରସ୍ତୁତି ଜୋରସୋରରେ ଚାଲିଛି।
ଖବର ଅନୁଯାୟୀ,ପରିଣିତି ଓ ରାଘବ ୨୪ ସେପ୍ଟେମ୍ବର ୨୦୨୩ରେ ଉଦୟପୁରରେ ବିବାହ କରିବେ। ଲାଟେଷ୍ଟ ରିପୋର୍ଟ ଅନୁଯାୟୀ, ଏହି କପଲ ଏକ ଇଣ୍ଟିମେଣ୍ଟ ଗେଟ ଟୁଗେଦର ଓ କୀର୍ତ୍ତନ ସହିତ ସେମାନଙ୍କର ବିବାହ ଉତ୍ସବ ଆରମ୍ଭ କରିଛନ୍ତି।
ପରିଣିତି ଚୋପ୍ରା ଏବଂ ରାଘବ ଚଢାଙ୍କ ପ୍ରି ଓ୍ବେଡିଂ ଫଙ୍କସନ ଆରମ୍ଭ ହୋଇ ଯାଇଛି। ଉଭୟଙ୍କ ପରିବାର ବର୍ତ୍ତମାନ ବିବାହ ପୂର୍ବରୁ ଦିଲ୍ଲୀରେ ଅଛନ୍ତି, ଯେଉଁଥିରେ ଅରଦାସ ଏବଂ କୀର୍ତ୍ତନରୁ କାର୍ଯ୍ୟକ୍ରମ ଆରମ୍ଭ ହୋଇଛି। ଗତକାଲି ପରିଣିତି ଏବଂ ରାଘବଙ୍କ ବିବାହ କାର୍ଯ୍ୟ ଅରଦାସରୁ ଆରମ୍ଭ ହୋଇଥିଲା।
ଇଟାଇମ୍ସ ରିପୋର୍ଟ ଅନୁଯାୟୀ, ଉତ୍ସବରେ ଏକ ମଜାଦାର ଟୁଇଷ୍ଟ ଆଡ କରିବାକୁ ଦମ୍ପତିଙ୍କ ପରିବାର ଏକ କ୍ରିକେଟ ମ୍ୟାଚ ରେ ଯୋଗଦେବେ। ଏକ ସୂତ୍ରରୁ ଜଣାପଡିଛି, ‘ଅତିଥିମାନଙ୍କ ପାଇଁ ଅନେକ ମଜାଦାର କାର୍ଯ୍ୟକ୍ରମ ଯୋଜନା କରାଯାଇଛି ଏବଂ ସେଥିମଧ୍ୟରୁ ଗୋଟିଏ ହେଉଛି କ୍ରିକେଟ ମ୍ୟାଚ। ତେଣୁ ଏହା ପ୍ରକୃତରେ ରୋମାଞ୍ଚକର ହେବ କାରଣ ଏହା ଚୋପ୍ରା ବନାମ ଚଢା ଫ୍ୟାମିଲି କ୍ରିକେଟ ମ୍ୟାଚ ହେବ। ଏହି ମଜାଳିଆ କାର୍ଯ୍ୟକଳାପରେ ଦମ୍ପତିଙ୍କ ସାଙ୍ଗମାନେ ମଧ୍ୟ ଭାଗ ନେବାକୁ ଯାଉଛନ୍ତି।
ହଁ ଏହି କପଲ କ୍ରିକେଟର ବଡ଼ ପ୍ରଶଂସକ। ମେ’ରେ ଆଇପିଏଲ ମ୍ୟାଚ ଦେଖୁଥିବା ବେଳେ ଉଭୟ ମୋହାଲି ଷ୍ଟାଡିୟମରେ ନଜର ଆସିଥିଲେ। ପରେ ଜୁନରେ ସେ ଲଣ୍ଡନରେ ଭାରତ ବନାମ ଅଷ୍ଟ୍ରେଲିଆ ବିଶ୍ୱ ଟେଷ୍ଟ ଚାମ୍ପିୟନଶିପ ଫାଇନାଲରେ ମଧ୍ୟ ଭାଗ ନେଇଥିଲେ।
ଦିଲ୍ଲୀରେ କ୍ରିକେଟ ମ୍ୟାଚ ପରେ ବରକନ୍ୟା ଓ ଉଭୟଙ୍କ ପରିବାର ପରିବାର ଉଦୟପୁର ଯିବେ, ଯେଉଁଠାରେ ବାକି କାର୍ଯ୍ୟ ୨୩ସେପ୍ଟେମ୍ବରରେ ହେବ, ପରେ ବିବାହ ୨୪ ସେପ୍ଟେମ୍ବରରେ ହେବ। ବର୍ତ୍ତମାନ, ଚୋପ୍ରା ଏବଂ ଚଢା ଫ୍ୟାମିଲି ଏମାନଙ୍କ ବିବାହକୁ ନେଇ ବହୁତ ଉତ୍ସାହିତ ଅଛନ୍ତି।