ବମ୍ବେ: ବିବାହ ପରେ ପ୍ରଥମ ‘କରଓ୍ବା ଚୌଥ’ ପାଳନ କରିଛନ୍ତି ବଲିଉଡର ନବ ବିବାହିତ ଯୋଡ଼ି ପରିଣୀତି ଚୋପ୍ରା-ରାଘବ ଚଢ୍ଢା। ଏହି ସ୍ବତନ୍ତ୍ର ଦିନ ଲାଗି ଲାଲ ରଙ୍ଗର ଡ୍ରେସ୍କୁ ପରିଣୀତି ବାଛିଥିବା ବେଳେ ରାଘବ ପିନ୍ଧିଥିଲେ ହଳଦିଆ ରଙ୍ଗର କୁର୍ତ୍ତା। ବେଶ ରୋମାଣ୍ଟିକ ହୋଇ ସେମାନେ ବ୍ରତର ସମସ୍ତ ନିୟମ ପାଳନ କରିଥିଲେ।
ପୂଜା ଶେଷ ହେବା ପରେ ପ୍ରଶଂସକଙ୍କ ଉଦ୍ଦେଶ୍ୟରେ ପରିଣୀତି ଏବଂ ରାଘବ ଏକାଧିକ ଫଟୋ ପୋଷ୍ଟ କରିଛନ୍ତି। ଫଟୋଗୁଡ଼ିକ ଭାଇରାଲ ହେଉଛି। ସମସ୍ତେ ଯୋଡ଼ିକୁ କାହା ନଜର ନ ଲାଗୁ ବୋଲି ପ୍ରତିକ୍ରିୟା ଦେଉଛନ୍ତି।
ପ୍ରଥମେ ଡେଟିଂ ପରେ ମେ’ରେ ରାଘବଙ୍କ ସହ ନିର୍ବନ୍ଧ କରିଥିଲେ ପରିଣୀତି। ଏହାପରଠାରୁ ଉଭୟଙ୍କ ଯୋଡି ଟକ୍ ଅଫ୍ ଦ ଟାଉନ୍ ପାଲଟିଥିଲା। ସେପ୍ଟେମ୍ବର ୨୪ରେ ଉଭୟ ବେଶ ଭବ୍ୟ ସମାରୋହରେ ବିବାହ ବନ୍ଧନରେ ଆବଦ୍ଧ ହୋଇଥିଲେ।
