ନୂଆଦିଲ୍ଲୀ,୨୮।୧୨: ମାର୍କେଟରେ ଅନେକ ବିସ୍କୁଟ ବ୍ରାଣ୍ଡ ଥିଲେ ମଧ୍ୟ ‘ପାର୍ଲେ-ଜି’ର ଚାହିଦା ଅଧିକ। ପିଲାଠାରୁ ବୁଢା ପର୍ଯ୍ୟନ୍ତ ସଭିଁଏ ଏହି ବିସ୍କୁଟ ଖାଇବାକୁ ପସନ୍ଦ କରିଥାନ୍ତି। ପାର୍ଲେ-ଜି ବିସ୍କୁଟ ଯେତିକି ପସନ୍ଦ ନୁହେଁ ପ୍ୟାକେଟରେ ଥିବା ପାର୍ଲେ ଗାର୍ଲର ଫଟୋକୁ ଅଧିକାଂଶ ଲୋକ ପସନ୍ଦ କରନ୍ତି। ତେବେ ନିକଟରେ ପାର୍ଲେ-ଜି କମ୍ପାନୀ ନିଜର କମ୍ପାନୀର ଫେମ ପାର୍ଲେ ଗାର୍ଲକୁ ହଟାଇ ଜଣେ ଇନଷ୍ଟାଗ୍ରାମ ଇନଫ୍ଲୁଏନସରଙ୍କର ଫଟୋ ସ୍ଥାନିତ କରିଛନ୍ତି। ଯାହାକୁ ନେଇ ପାର୍ଲେ-ଜି ବିସ୍କୁଟ ପ୍ରେମୀ ସମେତ ୟୁଜର୍ସ ମଧ୍ୟ ଆଶ୍ଚର୍ଯ୍ୟ ହୋଇଯାଇଛନ୍ତି।
ସୂଚନାଥାଉ କି, ପାର୍ଲେ-ଜି ସୋସିଆଲ ମିଡିଆରେ ଏକ ଫଟୋ ପୋଷ୍ଟ କରିଛି। ଯେଉଁଥିରେ ପାର୍ଲେ-ଗାର୍ଲ ବଦଳରେ କଣ୍ଟେଟ କ୍ରିଏଟର ଜେରବାନ ଜେ ବୁନଶାହଙ୍କ ଫଟୋ ରହିଛି।
ଘଟଣା ହେଉଛି କି, ବୁନଶାହ ନିଜ ଇନଷ୍ଟାଗ୍ରାମ ହ୍ୟାଣ୍ଡେଲରେ ଏକ ମଜାଦାର ପୋଷ୍ଟ କରିଥିଲେ। ଯେଉଁଥିରେ ସେ ନିଜର ଏକ ଭିଡିଓ କରି ୟୁଜର୍ସଙ୍କୁ ଏକ ପ୍ରଶ୍ନ ପଚାରିଥିଲେ।ସେ ପଚାରିଥିଲେ, ଯଦି ଆପଣମାନେ ପାର୍ଲେର ମାଲିକଙ୍କୁ ଭେଟନ୍ତି, ତେବେ ଆପଣଙ୍କୁ କଣ କହି ସମ୍ବୋଧନ କରିବେ। ପାର୍ଲେ ସାର୍, ମିଷ୍ଟର ପାର୍ଲେ ନା ପାର୍ଲେ ଜି? ଭିଡିଓଟି ଖୁବ୍ ଭାଇରାଲ ହେବା ସହ ୟୁସର୍ଜ ବିଭିନ୍ନ କମେଣ୍ଟ ମଧ୍ୟ ଦେଇଥିଲେ।
ପରେ ପାର୍ଲେ-ଜି ଅଫିସିଆଲ ହ୍ୟାଣ୍ଡେଲ ବୁନଶାହଙ୍କ ଭିଡିଓରେ କମେଣ୍ଟ ଦେବା ସହ ତାଙ୍କ ଫଟୋ ରଖି ବିସ୍କୁଟ ପ୍ୟାକେଟ ପୋଷ୍ଟ କରିଥିଲା। ଯେଉଁଥିରେ ବୁନଶାହଙ୍କ ହସୁଥିବା ଫଟୋ ସହ ପାର୍ଲେ-ଜି ନାଁ ବଦଳରେ ବୁନଶାହ-ଜି ଲେଖାଯାଇଥିଲା।