ନୂଆଦିଲ୍ଲୀ: ପାର୍ଲାମେଣ୍ଟର ଯୁଗ୍ମ କମିଟି ପକ୍ଷରୁ ସୋସିଆଲ ମିଡିଆ କମ୍ପାନୀ ଫେସ୍ବୁକ୍ ଏବଂ ଟୁଇଟରକୁ ଗୁରୁବାର ସମନ ଜାରି କରାଯାଇଛି। ଭାଜପା ଏମ୍ପି ମୀନାକ୍ଷୀ ଲେଖୀଙ୍କ ଅଧ୍ୟକ୍ଷତାରେ ଗଠିତ ବ୍ୟକ୍ତିଗତ ଡାଟା ସୁରକ୍ଷା ଆଇନ-୨୦୧୯ ସମ୍ପର୍କିତ ପାର୍ଲାମେଣ୍ଟର ଯୁଗ୍ମ କମିଟି ସାମ୍ନାରେ ପ୍ରମୁଖ ଟେକ୍ନୋଲୋଜି କମ୍ପାନୀର ଅଧିକାରୀ ହାଜର ହେବାକୁ କୁହାଯାଇଛି। ଡାଟା ସୁରକ୍ଷା ଏବଂ ପ୍ରିଭେସି ପ୍ରସଙ୍ଗରେ କମିଟି ଏଭଳି ସମନ ଜାରି କରିଛି। ଫେସ୍ବୁକ୍ ପ୍ରତିନିଧି କମିଟି ଆଗରେ ଶୁକ୍ରବାର ହାଜର ହେବାକୁ ନିର୍ଦ୍ଦେଶ ରହିଛି। ସେହିଭଳି ଅକ୍ଟୋବର ୨୮ରେ ଟୁଇଟରର ପ୍ରତିନିଧି ହାଜର ହେବାକୁ ନୋଟିସ ଜାରି ହୋଇଥିବା ଜଣାପଡ଼ିଛି।
