ଶୁଆ ଅନୁକରଣ କରି ମଣିଷ ଭଳି କଥା ହୋଇପାରେ ତାହା ସମସ୍ତେ ଜାଣନ୍ତି। ହେଲେ ନିକଟରେ ସୋସିଆଲ ମିଡିଆରେ ଟିକୋ ନାମକ ଏକ ଶୁଆ ବେଶ୍ ସୁନ୍ଦରଭାବେ କ୍ଲାସିକାଲ୍ ରକ୍ ଗାଇ ସମସ୍ତଙ୍କ ହୃଦୟ ଜିଣିଛି। ସେ ପୁଣି ଗିଟାରର ଧୂନ ସହ ତାଳ ମିଶାଇ ବେଶ୍ ଚମତ୍କାରଭାବେ ଗୀତ ଗାଇପାରୁଛି। ତେଣୁ ସୋସିଆଲ ମିଡିଆରେ ଏବେ ଏହି ଶୁଆ ‘ଟିକୋ ଦ ପ୍ୟାରୋଟ୍’ ନାମରେ ବେଶ୍ ଲୋକପ୍ରିୟ ହୋଇଛି।
ଭିଡିଓରେ ଦେଖିପାରିବେ ଜଣେ ବ୍ୟକ୍ତି ଗିଟାର ବଜାଉଛନ୍ତି ଓ ତାଙ୍କ ପାଖରେ ବସିଥିବା ଶୁଆଟି ବେଶ୍ ସୁରିଲା ସ୍ବରରେ ଗୀତ ଗାଉଛି। ୩୩ ସେକେଣ୍ଡର ଏହି ଭିଡିଓକୁ ଦେଖି ଅନେକେ ବିଶ୍ୱାସ କରିପାରୁ ନାହାନ୍ତି ଯେ, ଏକ ଶୁଆ କେମିତି ଏତେ ମଧୁର କଣ୍ଠରେ କ୍ଲାସିକାଲ୍ ରକ୍ ଗୀତ ଗାଇପାରୁଛି ବୋଲି।
