ଶୁଆ ଅନୁକରଣ କରି କଥା କହି ସମସ୍ତଙ୍କ ମନ ମୋହିଥାଏ। ତେବେ ଏମିତି ଏକ ଶୁଆ ଅଛି ଯେକି କୋଲ୍ଡ ଡ୍ରିଙ୍କ କେନ୍ ଖୋଲି ସମସ୍ତଙ୍କୁ ଚକିତ କରିଛି। ସେ ପୁଣି ଗୋଟିଏ କି ଦୁଇଟି ନୁହେଁ, ଏକ ମିନିଟ୍ରେ ୩୫ଟି କେନ୍ ଖୋଲି ସମସ୍ତଙ୍କୁ ଆଶ୍ଚର୍ଯ୍ୟଚକିତ କରିବା ସହ ରେକର୍ଡ କରିଛି। ୨୦୧୨ ଜାନୁୟାରୀ ୧୨ରେ ଜାକ୍ ନାମକ ଏହି ମାକାଓ ଶୁଆ ଆମେରିକାର ସାନଜୋଶ୍ରେ ଏକ ମିନିଟ୍ରେ ୩୫ଟି କେନ୍ ଖୋଲି ଗିନିଜ୍ ଓ୍ବାର୍ଲଡ ରେକର୍ଡସ୍ରେ ସ୍ଥାନ ପାଇଥିଲା। ସେ କେବଳ ଯେ, କେନ୍ ଖୋଲିପାରେ ତାହା ନୁହେଁ, ବାସ୍କେଟ୍ ବଲ୍ ବି ଖେଳିପାରେ। ତା’ ପାଇଁ ତିଆରି ଏକ ଛୋଟ ବଲ୍କୁ ସେ ବେଶ୍ କୁଶଳତାର ସହ ଛୋଟିଆ ନେଟ୍ରେ ପକାଇପାରେ। ତେଣୁ ସେ ଅନେକଙ୍କର ପ୍ରିୟ ପାଲଟିଛି।