ସୋସିଆଲ ମିଡିଆରେ ବିଭିନ୍ନ ପ୍ରକାରର ଭିଡିଓ ଭାଇରାଲ ହୋଇଥାଏ। କିଛି ଭିଡିଓ ଲୋକଙ୍କୁ ବେଶ୍ ମନୋରଞ୍ଜନର ଖୋରାକ ଯୋଗାଇଥାଏ। ଏବେ ସେମିତି ଏକ ଭିଡିଓ ଦେଖିବାକୁ ମିଳିଛି। ଯେଉଁଥିରେ ଏକ ଶୁଆ କାର୍ରେ ଏକ ମାସ୍କକୁ ଦୋଳି କରି ଝୁଲୁଛି। ଶୁଆଟିର ଆରାମ ଦେଖିଲେ ଯେ କେହି ଆଶ୍ଚର୍ଯ୍ୟ ହେବ।
ଭିଡିଓରେ ଜଣେ ବ୍ୟକ୍ତି ନିଜର ସର୍ଜିକାଲ ଫେସ୍ ମାସ୍କକୁ କାର୍ ଭିତରେ ଥିବା ଆଇନାରେ ଟଙ୍ଗାଇ ଦେଇଛନ୍ତି। ମାସ୍କକୁ ଟାଙ୍ଗି, ଏହାକୁ ଏକ ଦୋଳି ପରି କରିଥିବା ଦେଖିବାକୁ ମଳିଛି। କାରଟି ଗତି କରୁଛି, କିଛି ଯାନ ପଛକୁ ଆସୁଥିବାର ଦେଖାଯାଉଛି। କିନ୍ତୁ ଶୁଆଟି ଆରାମରେ ଶୋଇଛି।
ଏହି ଭିଡିଓଟି ୩୫ ହଜାରରୁ ଅଧିକ ଭ୍ୟୁ ପାଇଛି। କିଛି ଲୋକ ମନ୍ତବ୍ୟ ଦେଇଛନ୍ତି। ଜଣେ ୟୁଜର କହିଛନ୍ତି, ଏହା ହେଉଛି ଫେସ୍ ମାସ୍କର ସର୍ବୋତ୍ତମ ବ୍ୟବହାର। ସେହିପରି ଆଉ ଜଣେ କହିଛନ୍ତି, ଏହି ପକ୍ଷୀକୁ ଦେଖି ଲାଗୁଛି, ଏହା ସହଜରେ ପ୍ରାକୃତିକ ପରିବର୍ତ୍ତନକୁ ଗ୍ରହଣ କରିଛି। ଅନ୍ୟ ଜଣେ ୟୁଜର କହିଛନ୍ତି, ଯଦି ଜୀବନ ଅଛି ତେବେ ଏମିତି ହେବା ଦରକାର।