ନୂଆଦିଲ୍ଲୀ,୯।୧୨: ଭାରତୀୟ ଉଇକେଟ କିପର ବ୍ୟାଟ୍ସମ୍ୟାନ ପାର୍ଥିବ ପଟେଲ ଅନ୍ତର୍ଜାତୀୟ କ୍ରିକେଟରୁ ଅବସର ନେଇଛନ୍ତି। ଗୁଜୁରାଟର ଏହି ଖେଳାଳି ସୋସିଆଲ ମିଡିଆରେ ଏକ ଲମ୍ବା ପୋଷ୍ଟ ଲେଖି ତାଙ୍କର ୧୮ବର୍ଷର କ୍ୟାରିଅରକୁ ସମାପ୍ତ କରିଥିଲେ। ୩୫ ବର୍ଷୀୟ ପଟେଲ ୨୫ଟି ଟେଷ୍ଟ, ୩୮ଟି ଏକଦିବସୀୟ ଏବଂ ଦୁଇଟି ଟି -୨୦ ଅନ୍ତର୍ଜାତୀୟରେ ଭାରତର ପ୍ରତିନିଧିତ୍ୱ କରିଥିଲେ। ଗୁଜୁରାଟ ପାଇଁ ୧୯୪ ଟି ପ୍ରଥମ ଶ୍ରେଣୀ ମ୍ୟାଚ ଖେଳିଥିବା ପାର୍ଥିବଙ୍କ ଘରୋଇ କ୍ରିକେଟରେ ଅତୁଳନୀୟ ରେକର୍ଡ ରହିଛି। ଚଳିତବର୍ଷ ସେ ରଣଜୀ ଟ୍ରଫିରେ ଗୋଆ ବିପକ୍ଷରେ ୨୭ତମ ପ୍ରଥମ ଶ୍ରେଣୀ ଶତକ ହାସଲ କରିଥିଲେ। ଏହାସହି ୧୧ ହଜାର ପ୍ରଥମ ଶ୍ରେଣୀ ରନ ମଧ୍ୟ ସମାପ୍ତ କରିଥିଲା। ପାର୍ଥିବ ପଟେଲଙ୍କୁ ୨୦୦୨ରେ ପ୍ରଥମେ ଭାରତୀୟ ଦଳରେ ଚୟନ କରାଯାଇଥିଲା।, ସେତେବେଳକୁ ତାଙ୍କୁ ୧୭ ବର୍ଷ ୧୫୩ ଦିନ ବୟସ ହୋଇଥିଲା, ଯାହା ଏକ ରେକର୍ଡ ଅଟେ। ପରେ ସେ ମଧ୍ୟ ଏକଦିବସୀୟ ଦଳର ସ୍ଥାୟୀ ଉଇକେଟ କିପର ବ୍ୟାଟ୍ସମ୍ୟାନ ହୋଇଥିଲେ, କିନ୍ତୁ ପରେ ୨୦୦୪ରେ ଦୀନେଶ କାର୍ତ୍ତିକ ଏବଂ ପରେ ମହେନ୍ଦ୍ର ସିଂ ଧୋନୀଙ୍କ ପ୍ରବେଶ ପରେ ସେ ସ୍ଥାନ ହରାଇଥିଲେ।
— parthiv patel (@parthiv9) December 9, 2020
