ରାଞ୍ଚି, ୧୭।୯ : ଝାଡଖଣ୍ଡର ହଜରିବାଗ ଜିଲାର ଟାଟିଜରିଆ ପୋଲିସ ଷ୍ଟେଶନ ଅନ୍ତର୍ଗତ ଥିବା ସଓ୍ବୋନେ ନଦୀ ବ୍ରିଜରୁ ଏକ ଯାତ୍ରୀବାହୀ ବସ ଖସିପଡିଛି। ଏହି ଦୁର୍ଘଟଣାରେ ୭ଜଣ ଯାତ୍ରୀଙ୍କ ମୃତ୍ୟୁ ଘଟିଥିବା ସୂଚନା ମିଳିଛି। ଏଥିସହ ୪୦ ରୁ ଅଧିକ ଲୋକ ଆହତ ହୋଇଥିବା ସ୍ଥାନୀୟ ପ୍ରଶାସନ ପକ୍ଷରୁ କୁହାଯାଇଛି। ଏହି ବସ ଯାତ୍ରୀଙ୍କୁ ଗିରିଡିହରୁ ରାଞ୍ଚି ଯାଉଥିଲା। ଯାତ୍ରୀମାନେ ଗୁରୁଦ୍ୱାରରେ ଆୟୋଜିତ ହେବାକୁ ଥିବା ଆରଦାସ କୀର୍ତ୍ତନରେ ଯୋଗଦେବାକୁ ଯାଉଥିଲେ।
ବସଟି ବ୍ରିଜଠାରୁ ପ୍ରାୟ ୨୦ଫୁଟ ତଳକୁ ଖସିଯିବା ମାତ୍ରେ ଭାଙ୍ଗିରୁଜି ଯାଇଥିଲା। ଆଖପାଖର ଲୋକମାନେ ଘଟଣାସ୍ଥଳକୁ ଆସି ଉଦ୍ଧାର କାର୍ଯ୍ୟ କରିଥିଲେ। ମୃତାହତଙ୍କ ସଂଖ୍ୟା ବଢ଼ିବାର ଆଶଙ୍କା ଥିତ୍ବା ପୋଲିସ ପକ୍ଷରୁ କୁହାଯାଇଛି। କୁହାଯାଉଛି ଯେ ଦୁଇଜଣ ଯାତ୍ରୀ ବସରେ ରହିଛନ୍ତି। ସେମାନଙ୍କୁ ଉଦ୍ଧାର ପାଇଁ ଉଦ୍ୟମ ଜାରି ରହିଛି।