ନିରାକାରପୁର,୧୫।୩(ଡି.ଏନ.ଏ.): ୧୦ ଦଫା ଦାବି ନେଇ ଡ୍ରାଇଭର ଏକତା ମହାମଞ୍ଚ ଓ ଅଲ ଓଡିଶା ପରିବହନ ଚାଳକ ସଙ୍ଘ ପକ୍ଷରୁ ଷ୍ଟିୟରିଂ ଛାଡ ଆନ୍ଦୋଳନ ୧୬ ନମ୍ବର ଜାତୀୟ ରାଜପଥର ବଡପୋଖରିଆ ଛକଠାରେ ଅନିର୍ଦ୍ଦିଷ୍ଟ କାଳ ପାଇଁ ଆରମ୍ଭ ହୋଇଛି। ଉଭୟ ପାର୍ଶ୍ୱ ରାସ୍ତାରେ ଜରୁରିକାଳୀନ ଯାନବାହାନକୁ ଛାଡିଦେଲେ କେବଳ ପରିବହନ ଗାଡି ଚଳାଚଳକୁ ବନ୍ଦ କରିଦିଆଯାଇଥିଲା। ଆମ ଦାବି ପୂରଣ ନ ହେଲେ ଏହି ଆନ୍ଦୋଳନ ଅନିର୍ଦ୍ଦିଷ୍ଟ କାଳ ପାଇଁ ଜାରି ରହିବ ବୋଲି ଡ୍ରାଇଭର ଏକତା ମଞ୍ଚର ଟାଙ୍ଗୀ ବ୍ଲକ ସଭାପତି କୌଶର ଖାଁ ସୂଚନା ଦେଇଛନ୍ତି। ଏହାଯୋଗୁ ଯାତ୍ରୀମାନେ ନାହିଁ ନ ଥିବା ଅସୁବିଧାର ସମ୍ମୁଖୀନ ହୋଇଛନ୍ତି।