ତାଳଚେର,୨୭।୪ (ନି.ପ୍ର.) – ଅନୁଗୋଳ ଜିଲା ତାଳଚେରରେ ତାପମାତ୍ରା ବଢ଼ୁଥିବା ବେଳେ ଅସହ୍ୟ ଗ୍ରୀଷ୍ମ ପ୍ରବାହକୁ ଦୃଷ୍ଟିରେ ରଖି ସେଣ୍ଟ ଜନ୍ ଅନନ୍ତ ଆମ୍ବୁଲାନ୍ସ ଡିଭିଜନ ପକ୍ଷରୁ ସୋମବାର ଏକ ଜଳଛତ୍ର ଉଦ୍ଘାଟିତ ହୋଇଯାଇଛି। ଏମ୍ସିଏଲ୍ର ସ୍ଥାନୀୟ ଜଗନ୍ନାଥ କ୍ଷେତ୍ର ମହାପ୍ରବନ୍ଧକଙ୍କ କାର୍ଯ୍ୟାଳୟ ସମ୍ମୁଖରେ ଅନୁଷ୍ଠାନର ଡିଭିଜନାଲ କମାଣ୍ଡର ପ୍ରଦୀପ୍ତ କୁମାର ସ୍ବାଇଁଙ୍କ ତତ୍ତ୍ୱାବଧାନରେ ଆୟୋଜିତ ଏହି କାର୍ଯ୍ୟକ୍ରମରେ ତାଳଚେର ଉପଜିଲାପାଳ ବିଶ୍ୱ ରଞ୍ଜନ ରଥ ମୁଖ୍ୟ ଅତିଥିଭାବେ ଯୋଗଦେଇ ଏହାକୁ ଉଦ୍ଘାଟନ କରିଥିଲେ। ଜଗନ୍ନାଥ କ୍ଷେତ୍ର ମହାପ୍ରବନ୍ଧକ ପି.ବି. ରେଡ୍ଡୀ ସମ୍ମାନିତ ଅତିଥି ଭାବେ ଏବଂ କ୍ଷେତ୍ରୀୟ କାର୍ମିକ ଅଧିକାରୀ ଏ.ଏନ୍. ଶର୍ମା, ଅନନ୍ତ ବିହାର ସ୍ବାସ୍ଥ୍ୟକେନ୍ଦ୍ରର ଡାକ୍ତର ତ୍ରିନାଥ ପଣ୍ଡା, ବିତ୍ତ ବିଭାଗ ମୁଖ୍ୟ ସି.ଆର୍. ଦାସ,ବୈଦ୍ୟୁତିକ ବିଭାଗ ମୁଖ୍ୟ ଜୟପ୍ରକାଶ, ନିର୍ମାଣ ବିଭାଗ ମୁଖ୍ୟ ଏ. ତୀର୍ଥମଲେଇ, କ୍ଷେତ୍ରୀୟ ସୁରକ୍ଷା ଅଧିକାରୀ ଭି.ଏସ୍. ତିମିଆ, ଚିଫ୍ ମ୍ୟାନେଜର କେ.ସି. ଚୌଧୁରୀ, ଷ୍ଟାଫ୍ ଅଫିସର ବି.କେ. ସେଠୀ, ଜିଏମ୍ ସଚିବ ପ୍ରମୋଦ କୁମାର ପତ୍ରି, ଏଚ୍ଏମ୍ଏସ୍ ଶ୍ରମିକ ନେତା ଶଙ୍କର ବେହେରା, ବିଏମ୍ଏସ୍ ଶ୍ରମିକ ନେତା ସୁଦର୍ଶନ ମହାନ୍ତି, ଜିଲା ରେଡ୍କ୍ରସର ବରିଷ୍ଠ ସଦସ୍ୟ ବଳରାମ ପତୀ, ତୋଫାନ ଯୁବକ ସଂଘ ସଭାପତି ଧୀରେନ୍ଦ୍ର ଦାସ ପ୍ରମୁଖ ଅତିଥି ଭାବେ ଯୋଗଦାନ କରିଥିଲେ। ଅନୁଷ୍ଠାନ ପକ୍ଷରୁ ପ୍ରତିବର୍ଷ ଭଳି ଆଗାମୀ ତିନି ମାସ ଯାଏ ଉକ୍ତ ରାସ୍ତାରେ ଯାଆସ କରୁଥିବା ଜନସାଧାରଣ, ଛାତ୍ରୀଛାତ୍ରମାନଙ୍କୁ ଲେମ୍ବୁ ପାଣି, ଦହି ପାଣି, ଥଣ୍ଡା ପାଣି ଏବଂ ଓଆର୍ଏସ୍ ପାଣି ବଣ୍ଟନ କରାଯିବ ବୋଲି ସୂଚନା ଦିଆଯାଇଛି। ଅନ୍ୟମାନଙ୍କ ମଧ୍ୟରେ ଅନନ୍ତ ଆମ୍ବୁଲାନ୍ସ ଡିଭିଜନ ଆମ୍ବୁଲାନ୍ସ ଅଫିସର ପଞ୍ଚୁ ସାହୁ, ବ୍ରିଗ୍ରେଡ୍ ସଦସ୍ୟ ରଞ୍ଜିତ ସାହୁ, ଅଞ୍ଜନ ଶତପଥୀ, ପ୍ରଫୁଲ୍ଲ ସାହୁ, ବିଭୂତି ମହାରଣା, ଆଶିଷ ବାରିକ, ପ୍ରଶାନ୍ତ ରାଉତ, ଅମରେଶ ସାମଲ, ପ୍ରମୋଦ ସାହୁ, ମାୟାଧର ପ୍ରଧାନ, ବିଦ୍ୟାଧର ପ୍ରଧାନ, ସମୀର ପ୍ରଧାନ, ରାଜେନ୍ଦ୍ର ସାହୁ, ସତ୍ୟ ନାରାୟଣ ପ୍ରଧାନ, ବୈକୁଣ୍ଠ ପ୍ରଧାନ, ଡିଲେଶ୍ୱର ପ୍ରଧାନ, ଦୀପକ ଦାସ, ସୁମନ୍ତ ସାହୁ, ମଳୟ କୁମାର ସାହୁ, ମନୋଜ ପ୍ରଧାନ, କିଶୋରୀ ସାହୁ, ସୁନୀଲ ସାହୁ ପ୍ରମୁଖ ଯୋଗଦାନ କରିଥିଲେ।
