୫୪ ବର୍ଷୀୟ ଇଆନ୍ ଓଜର୍ସ ଇଂଲଣ୍ଡ ଫୁଟବଲ୍ ଟିମ୍ର ବହୁତ ବଡ଼ ଫ୍ୟାନ୍। ତେଣୁ ଏହି ଟିମ୍ର ମ୍ୟାଚ୍ ଯେଉଁଠି ବି ହୁଏ ସେ ସେଠାକୁ ଯାଇ ଟିମ୍କୁ ସପୋର୍ଟ କରନ୍ତି। ୟା ଭିତରେ ସେ ପୃଥିବୀର ବିଭିନ୍ନ ସ୍ଥାନ ଯାଇ ସାରିଲେଣି। ତାଙ୍କର ପ୍ରତି ଯାତ୍ରା ଓ ପ୍ରତି ମ୍ୟାଚ୍ ସୁନ୍ଦର ଅନୁଭୂତିରେ ଭରା। ତେଣୁ ସେ ଏହିସବୁ ଅନୁଭୂତିକୁ ସବୁଦିନ ପାଇଁ ସ୍ମରଣୀୟ କରି ରଖିବାକୁ ଚାହୁଁଥିଲେ। ଶେଷରେ ଏକ ଅଜବ ନିଷ୍ପତ୍ତି ନେଲେ। ଆଉ ନିଜ ପାସ୍ପୋର୍ଟ ଓ ଟିକେଟ୍ର ଟାଟୁ ନିଜ ଶରୀରରେ କରାଇଲେ। ତାଙ୍କ ମତରେ ସେ ଯେଉଁ ସ୍ଥାନଗୁଡିକୁ ମ୍ୟାଚ୍ ଦେଖିବା ପାଇଁ ଯାଇଥିଲେ ହୁଏତ ଆଉ ସେଠାକୁ ନ ଯାଇ ପାରନ୍ତି। ତେଣୁ ତାକୁ ସ୍ମରଣୀୟ କରି ରଖିବା ଲାଗି ସେ ନିଜ ପାସ୍ପୋର୍ଟ ଓ ଯାଇଥିବା ୩୨ ଦେଶର ଟିକେଟ୍କୁ ଶରୀରରେ ଟାଟୁ କରାଇଲେ। ତା’ସହ ଷ୍ଟାମ୍ପଗୁଡିକର ବି ଟାଟୁ କରାଇଛନ୍ତି। ୨୦୧୭ରେ ସେ ଟାଟୁ କରାଇବା ଆରମ୍ଭ କରିଥିଲେ। ଏବେ ତ ପୁରା ଶରୀରରେ ଭିନ୍ନ ଭିନ୍ନ ଦେଶର ଟିକେଟ୍, ଷ୍ଟାମ୍ପର ଟାଟୁ ସହ ପାସ୍ପୋର୍ଟର ଟାଟୁ ସେ କରାଇ ସାରିଛନ୍ତି।
