ଯଦି ଇନଷ୍ଟାଗ୍ରାମରେ ଆପଣ ପେଷ୍ଟ୍ରି ସେଫ୍ ଆମାଉରି ଗୁଇଚନ୍ଙ୍କ ଫଲୋଅର୍ସ ଅଛନ୍ତି, ତେବେ ଶୀର୍ଷକ ବୁଝି ପାରୁଥିବେ। ଗୋରିଲା, ଟେଲିସ୍କୋପ, କମ୍ପାସ ପରେ ଏବେ ଚକୋଲେଟରେ ମୋଟରସାଇକେଲ ତିଆରି କରିଛନ୍ତି ଏହି ସେଫ୍। ମୋଟରସାଇକେଲର କୋଣଅନୁକଣରେ ଚକୋଲେଟ ହିଁ ଚକୋଲେଟ୍। ହେଡଲାଇଟ୍ଠାରୁ ଆରମ୍ଭ କରି ଟ୍ୟାଙ୍କ, ଇଞ୍ଜିନ, ହ୍ୟାଣ୍ଡେଲ, ଚକ, ରିମ, ସିଟ୍ ସବୁ କିଛି ଚକୋଲେଟ୍ରେ ତିଆରି।
ଏହି ଅନନ୍ୟ ସୃଷ୍ଟି ସମ୍ପର୍କରେ ଲୋକଙ୍କୁ ଜଣାଇବା ପାଇଁ ସୋସିଆଲ ମିଡିଆ ପ୍ଲାଟଫର୍ମ ଇନ୍ଷ୍ଟାଗ୍ରାମର ସହାୟତ ନେଇଛନ୍ତି ସେଫ୍ ଗୁଇଚନ। ଶେୟାର କରିଥିବା ଭିଡିଓ ସହ କ୍ୟାପଶନରେ ଲେଖିଛନ୍ତି, ଚକୋଲେଟ୍ ମୋଟରସାଇକେଲ। ମୋତେ ବାଇକ୍ର ହ୍ବିଲ ଓ କଏଲ ଉପରେ କାମ କରିବା ପସନ୍ଦ ଆସିଲା। ଏହି ଭିଡିଓକୁ ଏପର୍ଯ୍ୟନ୍ତ ୬.୨ ଲକ୍ଷରୁ ଅଧିକ ୟୁଜର୍ସ ଦେଖିସାରିଲେଣି।