ହୋବାର୍ଟ,୧୭।୧: ନିକଟରେ ଶେଷ ହୋଇଥିବା ଆଶେସ ସିରିଜ୍ରେ ଅଷ୍ଟ୍ରେଲିଆକୁ ୪-୦ରେ ବିଜୟୀ କରାଇବା ପରେ ଅନେକ କ୍ରିକେଟ ପ୍ରଶଂସକଙ୍କ ହୃଦୟ ଜିତିଛନ୍ତି ଅଧିନାୟକ ପାଟ କୁମିନ୍ସ। ଇଂଲଣ୍ଡକୁ ୫ମ ଟେଷ୍ଟରେ ହରାଇବା ପରେ ଅଷ୍ଟ୍ରେଲିଆ ଅଧିନାୟକଙ୍କୁ ଦିଆଯାଇଥିଲା ଆଶେସ ଟ୍ରଫି। ଏହାପରେ ଖେଳାଳିମାନେ ଟ୍ରଫି ସହ ସାମ୍ପେନ ବୋତଲ ଧରି ଉତ୍ସବ ମନାଇଥିଲେ। କିନ୍ତୁ ଏହି ସେଲିବ୍ରେଶନରେ ସାଥି ଖେଳାଳିଙ୍କ ସହ ସାମିଲ ହୋଇ ନ ଥିଲେ ଉସମାନ ଖ୍ବାଜା। ଏହାଜାଣିବା ପରେ ସାଥି ଖେଳାଳିଙ୍କୁ ସାମ୍ପେନଠାରୁ ଦୂରେଇ ରହିବାକୁ କହିବା ସହ ଅଧିନାୟକ କୁମିନ୍ସ ଖ୍ବାଜାଙ୍କୁ ଡକାଇ ଆଶେସ ବିଜୟ ଫଟୋ ଉଠାଇଥିଲେ। ଏହି ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି, ଯାହାକି କ୍ରିକେଟ ପ୍ରଶଂସକଙ୍କ ହୃଦୟ ଜିତୁଛି।