ନୂଆଦିଲ୍ଲୀ,୧୩।୧୦: ଅଷ୍ଟ୍ରେଲିଆ କ୍ରିକେଟର୍ ପ୍ୟାଟ୍ କମିନ୍ସଙ୍କ ଘରକୁ ନୂଆ ଅତିଥି ଆସିଛନ୍ତି। ସେ ପ୍ରଥମଥର ପାଇଁ ପୁତ୍ର ସନ୍ତାନର ବାପା ହୋଇଛନ୍ତି। ତାଙ୍କ ପ୍ରେମିକା ବେକି ବୋଷ୍ଟନ ପ୍ରଥମ ସନ୍ତାନକୁ ଜନ୍ମ ଦେଇଛନ୍ତି। ଅଷ୍ଟ୍ରେଲିଆର ଟି -୨୦ ବିଶ୍ୱକପ ଦଳରେ ଯୋଗଦେବା ପାଇଁ ପ୍ୟାଟ କମିନ୍ସ ଦୁବାଇ ଯିବା ପୂର୍ବରୁ ତାଙ୍କୁ ଏହି ଖୁସି ଖବର ମିଳିଛି। ଅକ୍ଟୋବର ୮ରେ କମିନ୍ସଙ୍କ ପୁଅ ଆଲବି ବୋଷ୍ଟନ କମିନ୍ସ ଜନ୍ମଗ୍ରହଣ କରିଥିଲେ। ଏଭଳି ପରିସ୍ଥିତିରେ କମିନ୍ସ ତାଙ୍କ ପୁଅ ଏବଂ ପରିବାର ସହିତ ଆଉ କିଛି ସମୟ ବିତାଇବାକୁ ଚାହୁଁଥିଲେ। କିନ୍ତୁ ବିଶ୍ୱକପ୍ ଯୋଗୁ ତାହା ସମ୍ଭବ ହୋଇ ନାହିଁ। କମିନ୍ସ ନିଜ ଶିଶୁର ଆଗମନ ବିଷୟରେ ଘୋଷଣା କରିବା ପାଇଁ ଏକ ଭାବପ୍ରବଣ ଭିଡିଓ ବ୍ଲଗ ପୋଷ୍ଟ କରିଥିଲେ। ଏହି ଭିଡିଓରେ ସେ ଅତ୍ୟନ୍ତ ଭାବପ୍ରବଣ ଥିବା ଦେଖାଯାଇଛି।
