ନୂଆଦିଲ୍ଲୀ,୧୪।୧୦: ୟୁନାଇଟେଡ୍ ନେସନ ବା ୟୁଏନ୍-ଏସ୍ଡିଜି ପୁରସ୍କାରପ୍ରାପ୍ତ ଆଚାର୍ଯ୍ୟ ବାଲ୍କ୍ରିଷ୍ଣାଙ୍କୁ ଆଉ ଏକ ସମ୍ମାନ ଓ ମାନ୍ୟତା ଦିଆଯାଇଛି। ଏପରିକି ଷ୍ଟାନ୍ଫୋର୍ଡ ୟୁନିଭର୍ସିଟି ଏବଂ ଏଲ୍ସେଭିଅର ଦ୍ୱାରା କରାଯାଇଥିବା ଏକ ଅଧ୍ୟୟନରୁ ଜଣାପଡ଼ିଛି, ଆଚାର୍ଯ୍ୟ ବାଲ୍କ୍ରିଷ୍ଣା ବିଶ୍ୱର ଶ୍ରେଷ୍ଠ ୨% ବୈଜ୍ଞାନିକ ତାଲିକାରେ ସାମିଲ ହୋଇଛନ୍ତି। ଆମେରିକାର ପ୍ରମୁଖ ଶିକ୍ଷାନୁଷ୍ଠାନ ଷ୍ଟାନ୍ଫୋର୍ଡ ୟୁନିଭର୍ସିଟିର ପ୍ରଫେସର ଜନ୍ ପିଏ ଲୋନ୍ନାଡିସ ଓ ତାଙ୍କ ଦଳ ଏବଂ ୟୁରୋପୀୟ ପବର୍ଲସର ଏଲସେଭିଅରର ମିଳିତ ସହଯୋଗରେ ଏହି ତାଲିକା ପ୍ରକାଶ କରାଯାଇଛି। ବିଶେଷକରି ଏହା ଆୟୁର୍ବେଦ ଏବଂ ଯୋଗ ଉପରେ ବୈଜ୍ଞାନିକ ଅନୁସନ୍ଧାନର ଏକ ଅଦୃଶ୍ୟ ବିଶ୍ୱସ୍ତରୀୟ ସ୍ବୀକୃତି ବୋଲି କୁହାଯାଇଛି। ଏହା ପ୍ରକୃତରେ ସମଗ୍ର ପତଞ୍ଜଳି ପରିବାର ପାଇଁ ଗର୍ବ ଏବଂ ସମ୍ମାନର ମୁହୂର୍ତ୍ତ, ଆଚାର୍ଯ୍ୟ ବାଲ୍କ୍ରିଷ୍ଣାଙ୍କ ପାଇଁ ପ୍ରାଚୀନ ଭାରତୀୟ ବିଜ୍ଞାନ ପାଇଁ ଏହା ବିଶ୍ୱ ମାନ୍ୟତା ଆଣିଦେଇଛି ବୋଲି କୁହାଯାଇଛି। ଏ ସମ୍ପର୍କରେ ଆଚାର୍ଯ୍ୟ ବାଲ୍କ୍ରିଷ୍ଣା କହିଛନ୍ତି, ତାଙ୍କ ଦଳର ଉତ୍ସର୍ଗୀକୃତ ଏବଂ ପରିଶ୍ରମକୁ ସେ ସ୍ବୀକାର କରିଛନ୍ତି। ଏପରିକି ପତଞ୍ଜଳି ପ୍ରତିଷ୍ଠାନରେ କାର୍ଯ୍ୟ କରୁଥିବା ୫୦୦ରୁ ଅଧିକ ବୈଜ୍ଞାନିକଙ୍କ ନିରନ୍ତର ପ୍ରଚେଷ୍ଟା ପାଇଁ ଏହା ସମ୍ଭବ ହୋଇପାରିଛି। ସେହିଭଳି ଆୟୁର୍ବେଦିକ ନୀତି ପଛରେ ରହିଥିତ୍ବା ଯୁକ୍ତିଯୁକ୍ତ ବିଭିନ୍ନ ଗବେଷଣାଭିତ୍ତିକ କାର୍ଯ୍ୟଗୁଡ଼ିକ ବିଭିନ୍ନ ସ୍ତରରେ ଉଚ୍ଚ ପ୍ରଶଂସିତ ସହ ଅନ୍ତର୍ଜାତୀୟ ପତ୍ରିକାଗୁଡ଼ିକରେ ମଧ୍ୟ ଉଭୟ ପ୍ରକାଶ ଓ ସମୀକ୍ଷା ମଧ୍ୟ କରାଯାଇଛି।
