ବମ୍ବେ: ଦୀର୍ଘ ଚାରି ବର୍ଷର ବିରତି ପରେ ବଡ଼ପରଦାକୁ ଫେରି ବ୍ଲକ୍ବଷ୍ଟର ହିଟ୍ ଫିଲ୍ମ ଭେଟିଦେଇଛନ୍ତି ରୋମାନ୍ସର ବାଦ୍ଶାହା ଶାହାରୁଖ ଖାଁ। ଦିନକୁ ଦିନ ସଫଳତାର ନୂଆ ନୂଆ ପାହାଚ ଚଢ଼ୁଛି ‘ପଠାନ୍’। ରୋଜଗାର ମାମଲାରେ ଏହା ୧୦୦୦ କୋଟି କ୍ଲବରେ ସାମିଲ ହେବାକୁ ଯାଉଛି। ଏହାପରେ ପଠାନ୍ ସବୁଠାରୁ ସଫଳ ହିନ୍ଦୀ ଫିଲ୍ମ ପାଲଟିବ। ପୂର୍ବରୁ ‘ବାହୁବଲୀ ୨’ ଭାରତରେ ୫୧୦.୯୯ କୋଟି ବ୍ୟବସାୟର ରେକର୍ଡ କରିଥିଲା। ଏବେ ‘ପଠାନ୍’ ୧୪ ଦିନରେ ୪୪୬.୨୦ କୋଟି ରୋଜଗାର କରି ସାରିଲାଣି। ଖୁବ୍ଶୀଘ୍ର ବାହୁବଲୀର ରେକର୍ଡ ଭାଙ୍ଗିବ ବୋଲି କୁହାଯାଉଛି।