ପାଟନା,୩୦।୧୨: ବିହାରର ରାଜଧାନୀ ପାଟନାରେ ଶୁକ୍ରବାର ଏକ ବଡ଼ ଦୁର୍ଘଟଣା ଘଟିଛି। ପାଟନାର ମନେର ମହାବୀର ଟୋଲା ଗଙ୍ଗା ନଦୀ ଘାଟରେ ଯାତ୍ରୀଙ୍କୁ ନେଇ ଯାଉଥିବା ଏକ ଡଙ୍ଗା ଭାରସାମ୍ୟ ହରାଇ ବୁଡ଼ିଯାଇଛି। ଏଥିରେ ମୋଟ ୧୫ଜଣ ଯାତ୍ରୀ ଥିବା କୁହାଯାଉଛି। ଯେଉଁଥିରେ ଏପର୍ଯ୍ୟନ୍ତ ୭ଜଣ ନିଖୋଜ ଅଛନ୍ତି। ଅନ୍ୟମାନେ ଯେକୌଣସି ମତେ ବାହାରକୁ ବାହାରି ଆସିଛନ୍ତି। ଖବର ପାଇ ସ୍ଥାନୀୟ ପୋଲିସ ଘଟଣାସ୍ଥଳରେ ପହଞ୍ଚି ଲୋକଙ୍କ ସହାୟତାରେ ଉଦ୍ଧାର କାର୍ଯ୍ୟ ଆରମ୍ଭ କରିଛି। ଘଟଣାସ୍ଥଳରେ ମନେର ପୋଲିସ ସମେତ ଏନ୍ଡିଆରଏଫ୍ ଟିମ୍ ଓ ଅନେକ ଅଧିକାରୀ ଉପସ୍ଥିତ ଅଛନ୍ତି। ବର୍ତ୍ତମାନ ଉଦ୍ଧାର କାର୍ଯ୍ୟ ଜାରି ରହିଥିବା ଜଣାପଡ଼ିଛି।