ପାଟନା,୧୧।୧୦: ଲୋକ ଜନଶକ୍ତି ପାର୍ଟି (ଏଲଜେପି)ର ଜାତୀୟ ସଭାପତି ତଥା ପୂର୍ବତନ କେନ୍ଦ୍ର ମନ୍ତ୍ରୀ ରାମବିଳାଶ ପାଶ୍ୱାନଙ୍କ ପୁଅ ଚିରାଗ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଧନ୍ୟବାଦ ଜଣାଇଛନ୍ତି। ଏକ ଟୁଇଟ୍ କରି ସେ କହିଛନ୍ତି ପିତାଙ୍କ ଶେଷ ଯାତ୍ରା ସମୟରେ ବିନା ଅନୁରୋଧରେ କରିଥିବା ସହଯୋଗ ପାଇଁ ସମ୍ମାନିତ ପ୍ରଧାନମନ୍ତ୍ରୀଙ୍କ ଜୀଙ୍କୁ ହୃଦୟରୁ କୃତଜ୍ଞତା। ପୁଅ ଭାବରେ ମୁଁ ଏକ କଷ୍ଟଦାୟକ ସମୟ ଦେଇ ଗତି କରୁଛି। ଆପଣଙ୍କ ସହଯୋଗ ମୋ ସାହସ ବୃଦ୍ଧି କରିଛି। ଆପଣଙ୍କ ଆଶୀର୍ବାଦ ଏବଂ ସ୍ନେହ ସର୍ବଦା ଥାଉ ବୋଲି ସେ କହିଛନ୍ତି। ଆଗକୁ ବିହାର ବିଧାନସଭା ନିର୍ବାଚନ ଥିବାବେଳେ ଚିରାଗଙ୍କ ଏହି ଟୁଇଟ୍କୁ ନେଇ ଚର୍ଚ୍ଚା ଆରମ୍ଭ ହୋଇଯାଇଛି। ସୂଚନାଯୋଗ୍ୟ, ମୋଦି କ୍ୟାବିନେଟର ମନ୍ତ୍ରୀ ଥିବା ରାମବିଳାଶ ପାଶ୍ୱାନ ଗତ ଅକ୍ଟୋବର ୮ରେ ଦିଲ୍ଲୀରେ ଶେଷନିଃଶ୍ୱାସ ତ୍ୟାଗ କରିଥିଲେ।
आदरणीय प्रधानमंत्री @narendramodi जी द्वारा पापा की अंतिम यात्रा में किए गए सहयोग के लिए हृदय से आभार।सर आपने पापा की अंतिम यात्रा के लिए सभी व्यवस्था बिना माँगे की।बेटे के तौर पर मैं एक मुश्किल समय से गुजर रहा हूँ।आप के साथ से हिम्मत और हौसला दोनो बढ़ा है।
— युवा बिहारी चिराग पासवान (@iChiragPaswan) October 11, 2020
