ପାଟଣା,୨।୪(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ସ୍ତରୀୟ ଶିଶୁ ବାଟିକା ପ୍ରବେଶ ଉତ୍ସବ ଓ ଖଡ଼ି ଛୁଆଁ କାର୍ଯ୍ୟକ୍ରମ ସକାଳୁ ପାଟଣା ମୁଖ୍ୟାଳୟ ସରକାରୀ ଉଚ୍ଚ ପ୍ରାଥମିକ ବିଦ୍ୟଳୟରେ ଅନୁଷ୍ଠିତ ହୋଇଛି। ଆୟୋଜିତ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ପାଟଣା ବିଧାୟକ ଅଖିଳ ଚନ୍ଦ୍ର ନାଏକ ଯୋଗ ଦେଇ ଫିତାକାଟି ଶୁଭାରମ୍ଭ କରିଥିଲେ। ପୂଜାର୍ଚ୍ଚନା ପୂର୍ବକ ବାଲ ବାଟିକାର ବିଦ୍ୟାର୍ଥୀମାନଙ୍କୁ ବିଧାୟକ ଅଖିଳ ଖଡ଼ିଛୁଆଁଇ ଆନୁଷ୍ଠାନିକ ଭାବେ ବିଦ୍ୟା ଶୁଭାରମ୍ଭ କରିଥିଲେ। ପୂଜକ ଭାବେ ପଣ୍ଡିତ ନବଘନ ଦାଶ ଓ କ୍ଷିରୋଦ ମିଶ୍ର ପ୍ରମୁଖ ନୀତିକାନ୍ତିରେ ପୂଜାଅର୍ଚ୍ଚନା କରିଥିଲେ। ଆୟୋଜିତ ସଭା ଶିକ୍ଷକ ସଂଘ ସମ୍ପାଦକ କମଳା କାନ୍ତ ପତିଙ୍କ ଅଧ୍ୟକ୍ଷତାରେ ମୁଖ୍ୟ ଅତିଥି ଭାବେ ପାଟଣା ବିଧାୟକ ଅଖିଳ ଚନ୍ଦ୍ର ନାଏକ, ସମ୍ମାନୀତ ଅତିଥି ଭାବେ ବ୍ଲକ ଅଧ୍ୟକ୍ଷା ବୀଣା ପାଣି ନାୟକ, ଗୋଷ୍ଠୀ ଶିକ୍ଷା ଅଧିକାରୀ ପୂର୍ଣ୍ଣ ଚନ୍ଦ୍ର ଅମାନ୍ତ, ବିଡିଓ ମାନସ କୁମାର ଦଣ୍ଡପାଟ, ଗୋଷ୍ଠୀ ସ୍ବାସ୍ଥ୍ୟ ଅଧିକାରୀ ଡାକ୍ତର ଶୁଭେନ୍ଦୁ ସାଗର କୁମାର ନାଏକ, ୨୩ନଂ ଜିଲା ପରିଷଦ ରୁନୁ ମହାନ୍ତ, ପଲାଣି ଘାଟି ସମିତି ସଭ୍ୟ ତଥା ପୂର୍ବତନ ବ୍ଲକ ଅଧ୍ୟକ୍ଷ ବିଶନାଥ ନାୟକ, ସାମାଜିକ କର୍ମୀ ଅଜୟ କୁମାର ଦାଶ, ବିଦ୍ୟାଳୟ ପରିଚାଳନା କମିଟି ସଭାପତି କଳ୍ପତରୁ କର,ଏବିଓ ସଚିଦା ନନ୍ଦ ସେଠୀ, ବିଜୟ କୁମାର ଓଝା, ପ୍ରକାଶ ରାୟ, ପ୍ରମୁଖ ଯୋଗ ଦେଇ ପ୍ରବେଶ ଉତ୍ସବ ଓ ଖଡ଼ିଛୁଆଁ ଉତ୍ସବର ଆବଶ୍ୟକତା ଉପରେ ଆଲୋକ ପାତ କରିଥିଲେ। କାର୍ଯ୍ୟକ୍ରମକୁ ଶିକ୍ଷକ ନେତା ବୀର ମୋହନ ଦ୍ବିବେଦୀ, ସିଆରସିସି ସନ୍ତୋଷ ନାଏକ ଜ୍ୟୋତିର୍ମୟ ତ୍ରିପାଠୀ, ପ୍ରକାଶ ମିଶ୍ର ପ୍ରମୁଖ ପରିଚାଳନା କରିଥିଲେ। ପରେ ଶିକ୍ଷା ରଥକୁ ବିଧାୟକ ନାଏକ ସବୁଜ ପତାକା ଦେଖାଇ ଶୁଭାରମ୍ଭ କରିଥିଲେ। ତେବେ ଏହି ରଥ ପୂରା ବ୍ଲକ ପରିକ୍ରମା କରିବ।
