ନୂଆଦିଲ୍ଲୀ,୨।୧୦: ଦେଶର ପ୍ରମୁଖ ଡିଜିଟାଲ ପେମେଣ୍ଟ ଓ ଆର୍ଥିକ ସେବା ପ୍ରଦାନକାରୀ ସଂସ୍ଥା ପେଟିଏମ୍ ପକ୍ଷରୁ ‘ପେଟିଏମ୍ରୁ ୟୁପିଆଇ’ ଅଭିଯାନ ସମ୍ପର୍କରେ ଘୋଷଣା କରାଯାଇଛି। ପାର୍ବଣଋତୁର ଶୁଭାରମ୍ଭ ସହ ଏହାର ପ୍ରଥମ ପେମେଣ୍ଟ ଉପରେ ୧୦୦ ଟଙ୍କା ପର୍ଯ୍ୟନ୍ତ ଏଥିରେ କ୍ୟାଶ୍ବ୍ୟାକ୍ ଅଫର ସୁବିଧା ମଧ୍ୟ ରହିଛି। ଏହି ଅଭିଯାନ ଜରିଆରେ ସଂସ୍ଥା ଓଡ଼ିଶାରେ ଦୁର୍ଗାପୂଜାକୁ ଅଭିନବ ଢଙ୍ଗରେ ପାଳନ କରିବ। ପାର୍ବଣ ସମୟରେ ଲୋକମାନେ କିପରି ପେଟିଏମ୍ ସହ ତାଙ୍କ କାରବାରକୁ ସୁରକ୍ଷିତ ଓ ନିରାପଦ ସହକାରେ କରିବେ, ତାହା ସୁନିଶ୍ଚିତ କରିବ ବୋଲି କମ୍ପାନୀ ପକ୍ଷରୁ କୁହାଯାଇଛି।
ବିଶେଷକରି ୱାନ୍ ୯୭ କମ୍ୟୁନିକେଶନ ଲିମିଟେଡ୍ (ଓସିଏଲ୍) ପେଟିଏମ୍ ବ୍ରାଣ୍ଡ୍ର ପରିଚାଳନାକାରୀ ଭାବେ ଏସବୁର ଦାୟିତ୍ୱ ଗ୍ରହଣ କରିଛି। ପେଟିଏମ୍ରୁ ୟୁପିଆଇ ଅଭିଯାନର ପ୍ରମୁଖ ବିଶେଷତ୍ୱ ହେଉଛି ଗୋଷ୍ଠୀ ସହ ଏକତ୍ରିତ ହେବାର ଗୁରୁତ୍ୱକୁ ପ୍ରାଧାନ୍ୟ ଦେବା, ଯାହା ପେଟିଏମ୍ ଆପ୍ ବ୍ୟବହାରକରି ତୁରନ୍ତ ୟୁପିଆଇ ଟଙ୍କା ସ୍ଥାନାନ୍ତର ସହିତ ସମସ୍ତଙ୍କ ପାଇଁ ଉତ୍ସବର ମହତ୍ତ୍ୱ ବୃଦ୍ଧି କରିବା। ବ୍ରାଣ୍ଡ୍ ଫିଲ୍ମରେ ଏହା ମଧ୍ୟ ଚିତ୍ରଣ କରାଯାଇଛି ଯେ ଦୁର୍ଗାପୂଜା ଅବସରରେ ସାଂସ୍କୃତିକ ଉତ୍ସବ ପାଳନ ସମୟରେ କିପରି ପେଟିଏମ୍ ୟୁପିଆଇ ବ୍ୟବହାର କରି ନିରାପଦ ଓ ସୁରକ୍ଷିତ କାରବାର ଦ୍ୱାରା ଇକୋ ସିଷ୍ଟମକୁ ମଜଭୁତ କରାଯାଉଛି।
ଚଳିତ ବର୍ଷ ପୂଜା ଅକ୍ଟୋବର ୧ ରୁ ୫ ତାରିଖ ପର୍ଯ୍ୟନ୍ତ ପାଳନ ହେବ। ଏ ସମ୍ପର୍କରେ ପେଟିଏମ୍ର ମୁଖପାତ୍ର କହିଛନ୍ତି, ଦୁର୍ଗାପୂଜା ଅବସରରେ ଆମର ଅଭିଯାନ ପେଟିଏମ୍ରୁ ୟୁପିଆଇ ପ୍ରତିଦିନର କାରବାରକୁ ସୁଗମ ଓ ସୁରକ୍ଷିତ କରିବ।