ନୂଆଦିଲ୍ଲୀ,୨୩।୧୧: ଦେଶର ପ୍ରମୁଖ ଡିଜିଟାଲ ବ୍ୟାଙ୍କିଙ୍ଗ୍ ପ୍ଲାଟ୍ଫର୍ମ ‘ପେଟିଏମ୍’ର ଶେୟାର କ୍ରମାଗତ ଭାବେ ହ୍ରାସ ପାଇ ଚାଲିଛି। ଫଳରେ ଗତ କିଛି ଦିନ ମଧ୍ୟରେ ପେଟିଏମ୍ର ପ୍ୟାରେଣ୍ଟ କମ୍ପାନୀ ୱାନ୍୯୭ କମ୍ୟୁନିକେଶନର ଶେୟାର ପ୍ରାୟ ସର୍ବନିମ୍ନସ୍ତରରେ ପହଞ୍ଚତ୍ଛି। ଏପରିକି ମଙ୍ଗଳବାର ଭାରତୀୟ ଶେୟାର ମାର୍କେଟରେ କମ୍ପାନୀ ଶେୟାର ୧୧%ରୁ ଅଧିକ ଖସିଥିବା ଜଣାପଡ଼ିଛି। ଫଳରେ କମ୍ପାନୀ ଶେୟାର ୪୭୫.୫୫ ଟଙ୍କା ହୋଇଯାଇଛି। ସେହିଭଳି ବମ୍ବେ ଷ୍ଟକ୍ ଏକ୍ସଚେଞ୍ଜ (ବିଏସ୍ଇ)ର ଫଳାଫଳ ପରେ ଏହାର ବିଶେଷ୍ଲଣ କରାଯାଇଛି। ବଜାର ବିଶେଷଜ୍ଞଙ୍କ ଦ୍ୱାରା କରାଯାଇଥିବା ବିଶେଷ୍ଲଣରୁ ଜଣାପଡ଼ିଛି, କମ୍ପାନୀ(ୱାନ୍୯୭ କମ୍ୟୁନିକେଶନ)ର ଇଣ୍ଟ୍ରାଡେରେ ୧୧% ହ୍ରାସ ସହ ୪୭୫.୫୫ ଟଙ୍କାରେ ରହିଛି। ପେଟିଏମ୍ ଶେୟାର ମୂଲ୍ୟରେ ଏହା ଅଲଟାଇମ ଲୋ ବୋଲି ମଧ୍ୟ କୁହାଯାଇଛି। ଏହା ପୂର୍ବରୁ ୨୦୨୨ ମେ ୧୨ରେ ମଧ୍ୟ ଏହାର ଶେୟାର ରେକର୍ଡ ନିମ୍ନଗାମୀ ହୋଇ ୫୧୧ ଟଙ୍କାରେ ରହିଥିଲା। ଅପରପକ୍ଷରେ ଗତ ୨ସପ୍ତାହ ମଧ୍ୟରେ ଉକ୍ତ ଫିନ୍ଟେକ୍ କମ୍ପାନୀର ଶେୟାର ପାଖାପାଖି ୨୬% ହ୍ରାସ ଘଟିଛି। ଏହି ଅନୁସାରେ ଏକ ବର୍ଷରେ ଶେୟାର ମୂଲ୍ୟରେ ପାଖାପାଖି ୬୪% ହ୍ରାସ ହୋଇଛି। ବର୍ତ୍ତମାନ ପେଟିଏମ୍ ଶେୟାର ତା’ର ଆଇପିଓ ପ୍ରାଇସ୍ ୨,୧୫୦ ଟଙ୍କାରୁ ୭୮% ତଳକୁ ଖସିସାରିଛି। ଶେୟାର ଲିଷ୍ଟିଂ ଦିନ ଅର୍ଥାତ୍ ୨୦୨୧ ନଭେମ୍ବର ୧୮ରେ କମ୍ପାନୀର ଶେୟାର ୧,୯୬୧ ଟଙ୍କାର ରେକର୍ଡ ସ୍ତରରେ ଖୋଲିଥିଲା। ସେହିପରି ଚଳିତ ବର୍ଷ ନଭେମ୍ବର ୧୭ରେ ସଫ୍ଟ ବ୍ୟାଙ୍କ ମାର୍କେଟ ଟ୍ରାଞ୍ଜାକ୍ସନ ଜରିଆରେ ପେଟିଏମ୍ର ପ୍ୟାରେଣ୍ଟ କମ୍ପାନୀ ୱାନ୍୯୭ କମ୍ୟୁନିକେଶନର ୪.୫% କୁ ୧,୬୩୧ଟଙ୍କାରେ ବିକ୍ରି କରିଦେଇଥିଲା। ଏହି ବିକ୍ରୟ ସହ ସଫ୍ଟ ବ୍ୟାଙ୍କରେ ପେଟିଏମ୍ର ଶେୟାର ହୋଲ୍ଡିଂସ ୧୭.୪୫%ରୁ ହ୍ରାସ ହୋଇ ୧୨.୯୫% ହୋଇଯାଇଛି। ଚଳିତ ସପ୍ତାହ ପ୍ରାରମ୍ଭରେ ପେଟିଏମ୍ରେ ନିବେଶ କରିଥିବା ପ୍ରି ଆଇପିଓ ଇନଭେଷ୍ଟର୍ସଙ୍କ ଲାଗି ଲକ୍ ଇନ୍ ପିରିୟଡ୍ ଶେଷହୋଇଯାଇଛି। ଫଳରେ ବ୍ରୋକ୍ରେଜ ଫାର୍ମ ବି ଅଫ୍ ଏ ସିକ୍ୟୁରିଟିଜଙ୍କ ସମୀକ୍ଷକ ପେଟିଏମ୍ ଲାଗି ନ୍ୟୁଟ୍ରଲ ରେକୋମେଣ୍ଡେଶନ କରିଛନ୍ତି। ବ୍ରୋକ୍ରେଜ ଫାର୍ମ ପେଟିଏମ୍ର ଫଣ୍ଡାମେଣ୍ଟାଲକୁ ନେଇ ବେଶ୍ ଆଶାବାଦୀ ଅଛନ୍ତି।