କରାଚୀ,୧୦ା୪: ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ୍ଙ୍କ ବିଦାୟ ପରେ ଇସ୍ତଫା ଦେବା ଲାଗି ଚିନ୍ତା କରୁଛନ୍ତି ପାକିସ୍ତାନ କ୍ରିକେଟ ବୋର୍ଡ (ପିସିବି) ଚେୟାରମ୍ୟାନ ରମିଜ ରାଜା। ଇମ୍ରାନଙ୍କ ଭଳି ପାକିସ୍ତାନର ପୂର୍ବତନ ଅଧିନାୟକ ରମିଜ ଏବେ ଅନ୍ତର୍ଜାତୀୟ କ୍ରିକେଟ ପରିଷଦ (ଆଇସିସି) ବୈଠକ ପାଇଁ ଦୁବାଇରେ ଅଛନ୍ତି।
ଇମ୍ରାନଙ୍କ ପରାମର୍ଶକ୍ରମେ ରମିଜ ପିସିବି ଦାୟିତ୍ୱଭାର ନେବାକୁ ରାଜି ହୋଇଥିଲେ। ତା’ ପୂର୍ବରୁ ସେ ଭାଷ୍ୟକାର ଏବଂ କ୍ରିକେଟ ବିଶେଷଜ୍ଞ ଭାବେ ସକ୍ରିୟ ଥିଲେ। ପ୍ରଧାନମନ୍ତ୍ରୀଙ୍କ ସୁପାରିସ ଏବଂ ଔପଚାରିକ ନିର୍ବାଚନ ପ୍ରକ୍ରିୟାରେ ଚେୟାରମ୍ୟାନ ପଦବୀ ପାଇଥିବା ରମିଜ ଆଗକୁ ଏହି ଦାୟିତ୍ୱରେ ରହିବାର ବିଶେଷ ସମ୍ଭାବନା ନାହିଁ। ଯଦି ନୂଆ ପ୍ରଧାନମନ୍ତ୍ରୀ ଚାହାନ୍ତି ତେବେ ଏହା ସମ୍ଭବ।