ଗୋରୁ ମାଫିଆ ମାରିଲେ ସାଇଡ୍‌, ଗଛରେ ପିଟି ହେଲା ପିସିଆର ଭ୍ୟାନ୍‌, ୬ ପୋଲିସ ଆହତ

ଢେଙ୍କାନାଳ,୯ା୮: ପୋଲିସ ଗାଡ଼ିକୁ ଗୋରୁ ମାଫିଆ ସାଇଡ୍‌ ମାରିବାରୁ ଭାରସାମ୍ୟ ହରାଇ ଗଛରେ ପିଟିହୋଇଗଲା ପିସିଆର୍‌ ଭ୍ୟାନ୍‌। ଫଳରେ ୬ ପୋଲିସ ଆହତ ହୋଇଛନ୍ତି। ସଦର ଥାନା ବେଲଟିକିରି ଗାଁ ନିକଟରେ ପିସିଆରକୁ ସାଇଡ ମାରିଥିଲେ ମାଫିଆ। ୬ ଆହତଙ୍କ ମଧ୍ୟରୁ ୫ ଗୁରୁତର କଟକ ସ୍ଥାନାନ୍ତର କରାଯାଇଛି। ୨ଟି ପିକ୍‌ଅପ୍‌ରେ ଗୋରୁ ଚାଲାଣ ହେଉଥିବା ବେଳେ ପିସିଆର ପିଛା କରିଥିଲା। ଏହି ସମୟରେ ଗୋରୁ ମାଫିଆ ସାଇଡ୍‌ ମାରିବାରୁ ଗଛରେ ପିଟି ହୋଇଯାଇଥିଲା ପିସିଆର ଗାଡ଼ି।