ଅନେକ କାରଣରୁ ମୟୂର ପୃଥିବୀର ସବୁଠାରୁ ସୁନ୍ଦର ପକ୍ଷୀମାନଙ୍କ ମଧ୍ୟରୁ ଅନ୍ୟତମ। ଏହି ଯେମିତି ଧନୁ ଆକାରର ସୁନ୍ଦର ରଙ୍ଗୀନ ପୁଚ୍ଛ ଏବଂ ସୁନ୍ଦର ଡ୍ୟାନ୍ସ ପ୍ରଦର୍ଶନ ଯୋଗୁ ସମସ୍ତଙ୍କ ପ୍ରିୟ ମୟୂର। ସୋସିଆଲ ମିଡିଆରେ ଏକ ମୟୂରର ଭିଡିଓ ସାମ୍ନାକୁ ଆସିଛି। ଯେଉଁଥିରେ ମୟୂରଟି ଚମତ୍କାର ଭାବରେ ଡ୍ୟାନ୍ସ କରୁଛି।
୭ ସେକେଣ୍ଡର ଏହି ଭିଡିଓ କ୍ଲିପ୍ରେ ମୟୂର ଏହାର ସୁନ୍ଦର ପୁଚ୍ଛ ବିସ୍ତାର କରୁଥିବା ଦେଖାଯାଏ। ଭିଡିଓଟି @buitengebieden ନାମକ ଏକ ଟୁଇଟର ପେଜ୍ରେ ଶେୟାର କରାଯାଇଛି। ଯାହା ବର୍ତ୍ତମାନ ସୁଦ୍ଧା ୧୩.୭ ମିଲିୟନ ଭ୍ୟୁ ହୋଇସାରିଥିବା ବେଳେ ଏବଂ ୫ ଲକ୍ଷରୁ ଅଧିକ ଲାଇକ୍ ମିଳିଛି। ୬୨ ହଜାରରୁ ଅଧିକ ୟୁଜର ଏହାର ରିଟୁଇଟ୍ କରିଛନ୍ତି।
Peacock.. 🦚 pic.twitter.com/kbff41AXlP
— Buitengebieden (@buitengebieden) July 13, 2022
ଜଣେ ୟୁଜର ଲେଖିଛନ୍ତି, ‘ମୁଁ ଏହା ଦେଖିବା ବନ୍ଦ କରିପାରିବି ନାହିଁ, ଆଉ ଜଣେ କହିଲା,’ ମୁଁ ନିଦରୁ ଉଠି କେଶ ହଲାଉଛି।
ଇଟାଲୀର ଷ୍ଟ୍ରେସା ନିକଟସ୍ଥ ମ୍ୟାଗିଗୋର ହ୍ରଦରେ ଥିବା ବୋରୋମିଓ ଦ୍ୱୀପ ମଧ୍ୟରୁ ଇସୋଲା ବେଲାର ସୁନ୍ଦର ବଗିଚାରେ ଏହି ଭିଡିଓ ଶୁଟିଂ କରାଯାଇଥିଲା। ବଗିଚାରେ ଉଭୟ ଧଳା ଏବଂ ରଙ୍ଗୀର ମୟୂର ଦେଖିବାକୁ ମିଳେ। ହ୍ରଦ ମଝିରେ ଥିବା ବୋରୋମିଓ ଦ୍ୱୀପପୁଞ୍ଜ ଏକ ଛୋଟ ସ୍ବର୍ଗ କହିଲେ ଅତ୍ୟୁକ୍ତି ହେବ ନାହିଁ।
