ଲକ୍ଷ୍ନୌ, ୨୭।୧୨: ଆଇନଜୀବୀଙ୍କ ବିରୁଦ୍ଧରେ ଅବମାନନା ମାମଲା ଅତ୍ୟନ୍ତ ଦୁଃଖଦ ତଥା ଯନ୍ତ୍ରଣାଦାୟକ ଘଟଣା। ଏହା ଦ୍ୱାରା ନ୍ୟାୟିକ ବ୍ୟବସ୍ଥା ଉପରୁ ଲୋକଙ୍କ ଭରସା ତୁଟୁଛି। ଆହ୍ଲାବାଦ୍ ହାଇକୋର୍ଟଙ୍କ ଲକ୍ଷ୍ନୌ ବେଞ୍ଚ୍ ପକ୍ଷରୁ ଏକ ମାମଲାର ବିଚାର କରି ଏଭଳି କୁହାଯାଇଛି। ୧୨ ଜଣ ଆଇନଜୀବୀଙ୍କ ବିରୁଦ୍ଧରେ ହୋଇଥିବା ଅବମାନନା ମାମଲାର ବିଚାର ସମୟରେ କୋର୍ଟ ଏହା କହିଛନ୍ତି।
ବିଚାରପତି ଦେବେନ୍ଦ୍ର କୁମାର ଉପାଧ୍ୟାୟ ଏବଂ ନରେନ୍ଦ୍ର କୁମାର ଜୋହାରିଙ୍କ ନେତୃତ୍ୱରେ ଗଠିତ ଖଣ୍ଡପୀଠ କହିଛନ୍ତି ଯେ, ଆଇନଜୀବୀ କୋର୍ଟର ଅଫିସର ଭାବେ କାର୍ଯ୍ୟ କରିଥାନ୍ତି। ତାଙ୍କ ଦ୍ୱାରା ଅବମାନନା ଅଭିଯୋଗ ଆସିବା ଦ୍ୱାରା ନ୍ୟାୟିକ ବ୍ୟବସ୍ଥାର ଥିବା ଆସ୍ଥା ଉପରେ ପ୍ରଶ୍ନ ଚିହ୍ନ ଲାଗୁଛି।
୨୧ ବର୍ଷ ତଳେ ୨୦୦୦ ନଭେମ୍ବର ୧୪ ଏବଂ ଡିସେମ୍ବର ୧ରେ ଆଇନଜୀବୀଙ୍କ ଆନ୍ଦୋଳନ ସମୟରେ ୧୨ ଜଣ ଆଇନଜୀବୀ ଦାୟିତ୍ୱରେ ଥିବା ଗୋଣ୍ଡା ଜିଲା ଜଜ୍ଙ୍କୁ ଖରାପ ବ୍ୟବହାର ଦେଖାଇଥିଲେ। ଏନେଇ ୨୦୦୧ ଅକ୍ଟୋବର ୩୦ରେ ହାଇକୋର୍ଟର ମୁଖ୍ୟ ବିଚାରପତିଙ୍କ ପାଖରେ ଏହି ଆବେଦନ ପହଞ୍ଚିଥିଲା।