ଅନେକେ କୁହନ୍ତି ପ୍ରକୃତ ପ୍ରେମ ଜୀବନରେ ଥରେ ମାତ୍ର ହୁଏ। ହେଲେ କିଛି ଏପରି ଥାନ୍ତି ଯେଉଁମାନେ ବାରମ୍ବାର ପ୍ରେମରେ ପଡ଼ିଥାନ୍ତି। ଜ୍ୟୋତିଷଶାସ୍ତ୍ର ମୁତାବକ ପ୍ରେମ ଜୀବନ ଉପରେ ଗ୍ରହମାନଙ୍କ ପ୍ରଭାବ ରହିଛି। ଜଣେ ଜୀବନରେ କେତେ ଥର ଏବଂ କେବେ ପ୍ରେମରେ ପଡ଼ିବ ତାହା ଗ୍ରହର ସ୍ଥିତି ଉପରେ ନିର୍ଭର କରେ। ଏହି କ୍ରମରେ ଆସନ୍ତୁ ଜାଣିବା କେଉଁ ରାଶିରେ ଜନ୍ମିତ ବ୍ୟକ୍ତିବିଶେଷ ଜୀବନରେ ଥରେ ନୁହେଁ ଅନେକ ଥର ପ୍ରେମରେ ପଡ଼ନ୍ତି:-
ମିଥୁନ ରାଶି: ଏହି ରାଶିର ସ୍ବାମୀ ଗ୍ରହ ହେଉଛନ୍ତି ବୁଧ। ବୁଧଙ୍କ କୃପାରୁ ଏହି ବ୍ୟକ୍ତିବିଶେଷ ବୁଦ୍ଧିମାନ ଏବଂ ଦେଖିବାକୁ ଆକର୍ଷକ ହୋଇଥାନ୍ତି। କାହାକୁ ବି ସହଜରେ ନିଜର କରି ନିଅନ୍ତି। ଚଞ୍ଚଳ ସ୍ବଭାବର ହୋଇଥିବାରୁ ପ୍ରେମ ଜୀବନରେ ଅନେକ ଥର ଅସୁବିଧାର ସମ୍ମୁଖୀନ ହେବାକୁ ପଡ଼ିଥାଏ। ଗୋଟିଏ ସ୍ଥାନରେ ଏମାନଙ୍କ ମନ ରୁହେ ନାହିଁ। ଜ୍ୟୋତିଷଶାସ୍ତ୍ର ଅନୁଯାୟୀ ଏମାନେ ଅନେକ ଥର ପ୍ରେମରେ ପଡ଼ିଥାନ୍ତି।
ସିଂହ ରାଶି: ଏହି ରାଶିର ଲୋକେ ସହଜରେ ଅନ୍ୟ ସହ ମିଶି ଯାଆନ୍ତି। ଏମାନଙ୍କର ବନ୍ଧୁ ସଂଖ୍ୟା ଅଧିକ ଥାଏ। ପ୍ରେମ ଜୀବନକୁ ଏମାନେ ଧ୍ୟାନ ଦେଇ ନ ପାରିବାରୁ ତାଙ୍କର ଅନେକ ସମ୍ପର୍କ ଭାଙ୍ଗି ଯାଏ। ହେଲେ ଗୋଟିଏରୁ ଆଉ ଗୋଟିଏ ସମ୍ପର୍କକୁ ଡେଇଁବାକୁ ଏମାନଙ୍କୁ ବେଶି ସମୟ ଲାଗି ନଥାଏ। ଏହି ରାଶିର ଜାତକଧାରୀ ଜୀବନରେ ଅନେକ ଥର ପ୍ରେମରେ ପଡ଼ିବାର ସମ୍ଭାବନା ଥାଏ।
ତୁଳା ରାଶି: ଏହି ରାଶିର ଲୋକେ ନିଜ ପାର୍ଟନରଙ୍କୁ ବହୁତ ଭଲ ପାଇଥାନ୍ତି। ହେଲେ କୌଣସି ନା କୌଣସି କାରଣରୁ ଏମାନଙ୍କ ସମ୍ପର୍କ ଖରାପ ହୋଇଯାଇଥାଏ। ଜୀବନରେ ଏମାନଙ୍କର ଅନେକ ସମ୍ପର୍କ ଖରାପ ହେବାର ସମ୍ଭାବନା ଥାଏ। ଦୁଇରୁ ଅଧିକ ଥର ପ୍ରେମରେ ଏମାନେ ପଡ଼ିବାର ସମ୍ଭାବନା ଥାଏ।
