ଝାଡ଼ଖଣ୍ଡର ପାଲାମୁ ଜିଲାର ଏକ କ୍ଷେତରୁ ଗୋଟିଏ ପାତ୍ର ମିଳିଛି। ଯାହାର ରୂପ ତଥା ଆକୃତି ଦେଖି ଲୋକେ ଭୂତ ଭାବି ଡରି ଏହାର ପାଖ ମାଡୁ ନ ଥିଲେ। ମାତ୍ର ପରେ ଯାହା ଦେଖିଲେ, ଆଶ୍ଚର୍ଯ୍ୟ ହୋଇଗଲେ।
ରିପୋର୍ଟ ଅନୁଯାୟୀ, ଝାଡ଼ଖଣ୍ଡର ପାଲାମୁ ଜିଲା ପାଙ୍କି ସହର ଅନ୍ତର୍ଗତ ଏକ ଗାଁରେ ଏପରି ଘଟଣା ଦେଖିବାକୁ ମିଳିଛି। ଏହି ଗାଁର ଚାଷଜମିରୁ ଏକ ପାତ୍ର ମିଳିଛି। ଏହା ଜାଣିବା ପରେ ପ୍ରଶାସନ ଯାଇ ଏହି ପାତ୍ର ଏବଂ ସେଥିରୁ ବାହାରିଥିବା ମୁଦ୍ରାଗୁଡ଼ିକୁ ଜବତ କରିଛି। ଏହା ମୋଗଲ ସାମ୍ରାଜ୍ୟ ସମୟର ବୋଲି ଅନୁସନ୍ଧାନ ବେଳେ ଜଣାପଡ଼ିଛି। ପାଙ୍କି ପୋଲିସ ଷ୍ଟେଶନର ଦାୟିତ୍ୱରେ ଥିବା ଜେ.କେ ରମଣ କହିଛନ୍ତି ଯେ, ପାତ୍ରଟି ପିତ୍ତଳର ଅଟେ। ଏହି ପାତ୍ର ମଧ୍ୟରେ ଥିବା ମୁଦ୍ରାରେ ୯୦୨, ୧୧୦୦ ଏବଂ ୧୦୮୨ ଖ୍ରୀଷ୍ଟାବ୍ଦ ଊର୍ଦ୍ଦୁ ଏବଂ ଆରବି ଭାଷାରେ ଲେଖାଯାଇଛି। ପୋଲିସ ଏହି ପାତ୍ର ଏବଂ ମୁଦ୍ରା ପ୍ରଶାସନକୁ ହସ୍ତାନ୍ତର କରିଛି। ଏଗୁଡ଼ିକୁ ପ୍ରତ୍ନତତ୍ତ୍ୱ ବିଭାଗକୁ ହସ୍ତାନ୍ତର କରାଯିବ।
ନୌଡିହା ଗାଁର ଭଲହିଟୋଲାରେ ରହୁଥିବା ବଚ୍ଚନ ବୈଠାଙ୍କ କ୍ଷେତରୁ ଏହି ପାତ୍ରଟି ମିଳିଥିବା ପୋଲିସ କହିଛି। ଯେତେବେଳେ ପାତ୍ରଟି ବାହାରକୁ ଆସିଲା, କାଦୁଅ ହେତୁ କେହି ଏହାକୁ କେହି ଜାଣିପାରିଲେ ନାହିଁ। ବର୍ଷା ହେବାରୁ ଜଣାପଡ଼ିଥିଲା। କିନ୍ତୁ ପାତ୍ରର ଗଠନ ଏବଂ ପ୍ରାଚୀନତା ଦେଖିବା ପରେ ଲୋକେ ଭୟଭୀତ ହୋଇପଡ଼ିଥିଲେ। ଲୋକେ ଭୟରେ ପାତ୍ରଟିକୁ ଛୁଉଁ ନ ଥିଲେ। କିଛି ପିଲା ଏହି ପାତ୍ରରେ ଖେଳିବାରୁ ଲୋକଙ୍କ ଭୟ ଦୂର ହୋଇଥିଲା। ମାତ୍ର ପାତ୍ରଟି ଖୋଲିବା ପରେ ଏଥିରେ ଏତେସଂଖ୍ୟକ ମୁଦ୍ରା ଥିବା ଦେଖି ଆଶ୍ଚର୍ଯ୍ୟ ହୋଇଯାଇଥିଲେ।